No Xulgado do Contencioso-Administrativo número 2 de Vigo tramítase o procedemento abreviado número 137/2023, interposto por Manuel Valebona Refojos e sete persoas máis contra a Resolución reitoral do 30 de setembro de 2022 pola que se convoca concurso de méritos para a provisión de postos de traballo do persoal funcionario de administración e servizos, publicada no DOG do 13 de outubro, e contra a Resolución reitoral do 17 de febreiro de 2023 desestimatoria do recurso de reposición contra a referida convocatoria de concurso de méritos.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado no prazo de nove días, contados a partir do seguinte ao da publicación desta resolución no DOG, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Vigo, 10 de maio de 2023

Manuel Joaquín Reigosa Roger
Reitor da Universidade de Vigo