Unha vez aprobado definitivamente o seguinte plan especial, publícase para o seu xeral coñecemento e en cumprimento dos artigos 82 e 88 da Lei 2/2016, do 10 de febreiro, do solo de Galicia, e nos artigos 199 e 208 do Regulamento da Lei 2/2016, do solo de Galicia, aprobado polo Decreto 143/2016, do 22 de setembro:
O Pleno da Corporación, na sesión ordinaria do 30 de marzo de 2023, adoptou o acordo que, transcrito literalmente, di:
«3. Plan especial de dotacións (PEID) para centro docente na Ribeira-Sésamo. Aprobación definitiva. (C.I. Facenda 23/03/2023).
(.../...)
Primeiro. Aprobar definitivamente o Plan especial de infraestruturas e dotacións (PEID), para o centro docente na Ribeira, Sésamo, promovido por O Castro British School, A Coruña, S.L., segundo a documentación técnica elaborada polo arquitecto José Magdalena Nogueira, colexiado COAG número 1622, presentada o 10.2.2023 (rexistro 2023/1785).
Segundo. Notificar individualmente o acordo de aprobación definitiva a todas as persoas titulares catastrais dos terreos afectados ás cales xa se lles notificou a súa aprobación inicial, de acordo co establecido no artigo 75.1.a) da Lei 2/2016, do 10 de febreiro.
Terceiro. Ordenar a publicación do texto íntegro do PEID, de conformidade co establecido nos artigos 82 da Lei 2/2016, do 10 de febreiro, e no artigo 199 do Decreto 143/2016, do 22 de setembro.
Cuarto. Publicar o contido completo do instrumento do plan na sede electrónica (ou páxina web institucional) do Concello de Culleredo.
Quinto. Remitir un exemplar completo, debidamente dilixenciado, do PEID á Consellería de Medio Ambiente, Territorio e Infraestruturas, para o seu coñecemento.
Sexto. Solicitar a inscrición do PEID definitivamente aprobado no Rexistro de Plan Urbanístico de Galicia e no Rexistro Municipal para o seu depósito e inscrición, xunto con certificación do presente acordo de aprobación definitiva.
Para tales efectos, o documento aprobado definitivamente será dilixenciado de conformidade co artigo 22.3 das NNTTP, e achegarase xunto co Anexo 9B, Declaración responsable do proceso de dilixenciado».
O contido íntegro deste plan especial está á disposición de calquera interesado na sede electrónica deste concello: https://www.culleredo.es/urbanrede
Contra o presente acordo, en aplicación do artigo 112.3 da Lei 39/2015, do 1 de outubro, do procedemento administrativo común das administracións públicas, e dado que aproba unha disposición de carácter xeral, pódese interpor directamente recurso contencioso-administrativo, ante a sala correspondente do Tribunal Superior de Xustiza de Galicia (artigo 84.1 da Lei do solo de Galicia e artigo 201.1 do seu regulamento), no prazo de dous meses que se contarán a partir do día seguinte ao da publicación deste anuncio, de conformidade co disposto no artigo 46 da Lei 29/1998, do 13 de xullo, da xurisdición contencioso-administrativa, sen prexuízo de interpor calquera outro recurso que se entenda máis procedente e sexa conforme dereito.
Culleredo, 20 de abril de 2023
José Ramón Rioboo Castro
Alcalde presidente