En aplicación do disposto no artigo 22.4 da Lei 3/2007, verificado o incumprimento da orde de execución da limpeza dos predios ditada contra o titular da parcela 714 do polígono 39 das Casetas, Santa María de Oia, polo Decreto 488/2022, do 13 de setembro, procede ordenar a execución subsidiaria da xestión de biomasa forestal ordenada, co seguinte detalle:
|
Nº de expediente |
Ref. catastral |
Data notificación/ publicación |
Parroquia |
Lugar/polígono/parcela |
ha afectadas por execución subsidiaria |
Liquidación provisional dos traballos de xestión biomasa |
Data de constatación do incumprimento |
Persoa responsable |
|
1330/2022-URB/49/2022 |
36036A039007140000QW |
DOG: 29.9:2022 DOG: 6.10.2022 |
Sta. Mª de Oia |
As Casetas/39/714 |
0,0048 |
25,13 € |
15.12.2022 |
M. A. A. |
O texto íntegro da resolución atópase á súa disposición nas dependencias municipais.
Esta resolución constitúe liquidación provisional dos custos que deberá aboar o obrigado, en voluntaria, cos prazos previstos na Lei xeral tributaria que logo se determinarán, sen prexuício da liquidación definitiva que remitiremos unha vez rematados os traballos de corte e roza.
Polo que respecta á liquidación provisional dos custos de xestión da masa forestal, en voluntaria, que ascende á cantidade de 25,13 €, requíreselles o pagamento mediante o ingreso na conta bancaria municipal aberta a nome do Concello de Oia en Abanca ES86/2080/5080/4130/4000/1001, nos seguintes prazos:
– Se a notificación se recibe nos días 1 a 15 de mes, o prazo remata o día 20 do mes seguinte.
– Se a notificación se recibe nos días 16 a último do mes, o prazo remata o día 5 do segundo mes natural seguinte.
– De ser día inhábil o último día do prazo, este estenderase ata o seguinte día hábil.
En caso de impago nos prazos indicados, abrirase o período executivo de pagamento, coa aplicación das recargas do período executivo que regula o artigo 65 da Lei 58/2003, xeral tributaria.
O que lle notifico pola súa condición de interesado, en cumprimento do establecido no artigo 40 da Lei 39/2015, do 1 de outubro, do procedemento administrativo común das administracións públicas, facéndoselle saber que:
O citado acordo pon fin á vía administrativa, polo que pode interpoñer recurso de reposición no prazo dun mes, ante o mesmo órgano que ditou o acto, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben, se non quere exercer o seu dereito a presentar o recurso potestativo de reposición mencionado, pode interpoñer directamente recurso contencioso-administrativo, no prazo de dous meses, ante o xulgado do contencioso-administrativo, órgano xurisdicional competente, conforme o establecido na Lei 29/1998, do 13 de xullo, reguladora da xurisdicción contencioso-administrativa.
Oia, 10 de abril de 2023
Cristina Correa Pombal
Alcaldesa
