Na sesión que tivo lugar o día 17.3.2023 o Xurado Provincial de Clasificación de Montes Veciñais en Man Común de Lugo acordou, por unanimidade, aprobar os seguintes deslindamentos entre montes veciñais e realizar as oportunas modificacións nos expedientes correspondentes:
– MVMC Verducedo, Costa de Páramo e Costoiras (expediente 10/80), pertencente aos veciños da parroquia de Saa, e MVMC Pena e Cruz da Aguieira (expediente 71/78), pertencente aos veciños da parroquia de Vilapedre, ambos no concello do Páramo.
O 15.9.2022 foi presentada unha solicitude relativa ao acordo de deslindamento levado a cabo por avinza entre as citadas comunidades en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación ante o Xulgado de Paz do Páramo e certificacións de aprobación por parte das comunidades implicadas.
O 10.11.2022 o Servizo de Montes emite un informe (2022_73) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Verducedo, Costa de Páramo e Costoiras: 240,86 hectáreas.
– MVMC Pena e Cruz da Aguieira: 117 hectáreas.
Este deslindamento correspóndese co plano do anexo I, ao final deste anuncio.
– MVMC Os Chaos (expediente 21/79), pertencente aos veciños da parroquia de Piñeira, e MVMC Santa Cruz e Capela (expediente 20/79), pertencente aos veciños da parroquia de Ove, ambos no concello de Ribadeo.
O 15.9.2022 foi presentada unha solicitude relativa ao acordo de deslindamento levado a cabo por avinza entre as citadas comunidades en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación ante o Xulgado de Paz de Ribadeo e certificacións de aprobación por parte das comunidades implicadas.
O 13.12.2022 o Servizo de Montes emite un informe (2022_76) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Os Chaos: 51,4 hectáreas.
– MVMC Santa Cruz e Capela: 97 hectáreas.
Este deslindamento correspóndese co plano do anexo II, ao final deste anuncio.
– MVMC Sampaio (expediente 145/80), pertencente aos veciños da parroquia de Cangas Santiago; MVMC Hervededo, Costa de Reboiras, Espiñeiro, Costa Tilleira e Biduedo (expediente 147/80), pertencente aos veciños da parroquia de Frontón, e MVMC Bazal e Torre (expediente 149/80), pertencente aos veciños dos lugares de Bazal, Cascaxide, Piúca, Torrón e Torre de Vilamirón, parroquia de Pombeiro. Todos pertencen ao concello de Pantón.
O 25.9.2022 a Comunidade de Cangas Santiago presentou dúas solicitudes relativas, respectivamente, ao acordo de deslindamento levado a cabo coa Comunidade de Frontón e coa de Bazal, Cascaxide, Piúca, Torrón e Torre de Vilamirón en canto ás liñas divisorias que separan os seus montes. Achegan actas de deslindamento, planos topográficos, acta de conciliación ante o Xulgado de Paz de Pantón e certificacións de aprobación por parte das comunidades implicadas.
O 19.12.2022 o Servizo de Montes emite un informe (2022_78) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Sampaio: 134,7 hectáreas.
– MVMC Hervededo, Costa de Reboiras, Espiñeiro, Costa Tilleira e Biduedo: 391 hectáreas.
– MVMC Bazal e Torre: 606,3 hectáreas.
Este deslindamento correspóndese co plano do anexo III, ao final deste anuncio.
– MVMC Hervededo, Costa de Reboiras, Espiñeiro, Costa Tilleira e Biduedo (expediente 147/80), pertencente aos veciños da parroquia de Frontón, e MVMC Sampaio (expediente 142/80), pertencente aos veciños da parroquia de Acedre, ambos no concello de Pantón.
O 29.9.2022 foi presentada unha solicitude relativa ao acordo de deslindamento levado a cabo por avinza entre as citadas comunidades en canto á liña divisoria que separa os seus montes veciñais.
Achegan acta de deslindamento, planos topográficos, acta de conciliación ante o Xulgado de Paz de Pantón e certificacións de aprobación por parte das comunidades implicadas.
O 21.12.2022 o Servizo de Montes emite un informe (2022_80) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Hervededo, Costa de Reboiras, Espiñeiro, Costa Tilleira e Biduedo: 391,2 hectáreas.
– MVMC Sampaio de Acedre: 220,53 hectáreas.
Este deslindamento correspóndese co plano do anexo IV, ao final deste anuncio.
– MVMC Hervededo, Costa de Reboiras, Espiñeiro, Costa Tilleira e Biduedo (expediente 147/80), pertencente aos veciños da parroquia de Frontón, e MVMC Bazal e Torre (expediente 149/80), pertencente aos veciños dos lugares de Bazal, Cascaxide, Piúca, Torrón e Torre de Vilamirón, parroquia de Pombeiro. Ambos montes pertencen ao concello de Pantón.
O 29.9.2022 foi presentada unha solicitude (mellorada o 12.1.2023) relativa ao acordo de deslindamento levado a cabo por avinza entre as citadas comunidades en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación ante o Xulgado de Paz de Pantón e certificacións de aprobación por parte das comunidades implicadas.
O 19.1.2023 o Servizo de Montes emite un informe (2022_79) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Hervededo, Costa de Reboiras, Espiñeiro, Costa Tilleira e Biduedo: 403,4 hectáreas.
– MVMC Bazal e Torre: 594,1 hectáreas.
Este deslindamento correspóndese co plano do anexo V, ao final deste anuncio.
– MVMC Boedos (expediente 8/77), pertencente aos veciños da parroquia de Illán, e MVMC Gándara e Ribeira da Carballosa (expediente 4/77), pertencente aos veciños da parroquia de Castro, ambos no concello de Begonte.
O 20.9.2022 foi presentada unha solicitude relativa ao acordo de deslindamento levado a cabo por avinza entre as citadas comunidades en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación ante o Xulgado de Paz de Begonte e certificacións de aprobación por parte das comunidades implicadas.
O 11.11.2022 o Servizo de Montes emite un informe (2022_84) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Boedos: 295,11 hectáreas.
– MVMC Gándara e Ribeira da Carballosa: 103,1 hectáreas.
Este deslindamento correspóndese co plano do anexo VI, ao final deste anuncio.
– MVMC Santa Cristina e Xaneiras (expediente 62/78), pertencente aos veciños da parroquia de Arxemil, e MVMC Uceira e Monte do Conde (expediente 72/78), pertencente aos veciños da parroquia de Vilar, ambos no concello de Sarria.
O 21.9.2022 foi presentada unha solicitude (mellorada o 26.10.2022 e 14.11.2022) relativa ao acordo de deslindamento levado a cabo por avinza entre as citadas comunidades en canto á liña divisoria que separa os seus montes veciñais.
Achegan acta de deslindamento, planos topográficos, acta de conciliación ante o Xulgado de Primeira Instancia e Instrución de Sarria e certificacións de aprobación por parte das comunidades implicadas.
O 30.11.2022 o Servizo de Montes emite un informe (2022_89) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Santa Cristina e Xaneiras: 103 hectáreas.
– MVMC Uceira e Monte do Conde: 85 hectáreas.
Este deslindamento correspóndese co plano do anexo VII, ao final deste anuncio.
– MVMC Friol (expediente 27/76), pertencente aos veciños da parroquia de Friol, e MVMC Carboeiro (expediente 26/76-11/2016), pertencente aos veciños de Casa do Monte, Macedo e Pardellas, parroquia dos Condes, ambos os montes no concello de Friol.
O 23.9.2022 foi presentada unha solicitude relativa ao acordo de deslindamento levado a cabo por avinza entre as citadas comunidades en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación ante o Xulgado de Paz de Friol e certificacións de aprobación por parte das comunidades implicadas.
O 16.11.2022 o Servizo de Montes emite un informe (2022_115) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Friol: 190,8 hectáreas.
– MVMC Carboeiro: 195,9 hectáreas.
Este deslindamento correspóndese co plano do anexo VIII, ao final deste anuncio.
– MVMC Froxán (expediente 83/75), pertencente aos veciños de Froxán, parroquia de Vilamor, no concello de Folgoso do Courel, e MVMC Campodola (expediente 107/75), pertencente aos veciños de Campodola, parroquia de Hospital, no concello de Quiroga.
O 25.9.2022 foi presentada unha solicitude (mellorada o 3.2.2022) relativa ao acordo de deslindamento levado a cabo por avinza entre as citadas comunidades en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación ante o Xulgado de Paz de Quiroga e certificacións de aprobación por parte das comunidades implicadas.
O 15.2.2023 o Servizo de Montes emite un informe (2022_123) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Froxán: 804 hectáreas.
– MVMC Campodola: 388 hectáreas.
Este deslindamento correspóndese co plano do anexo IX, ao final deste anuncio.
– MVMC Froxán (expediente 83/75), pertencente aos veciños de Froxán, e MVMC Castro Portela (expediente 82/75), pertencente aos veciños de Castro Portela. Ambos pertencen á parroquia de Vilamor, no concello de Folgoso do Courel.
O 25.9.2022 foi presentada unha solicitude relativa ao acordo de deslindamento levado a cabo por avinza entre as citadas comunidades en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación ante o Xulgado de Paz de Folgoso do Courel e certificacións de aprobación por parte das comunidades implicadas.
O 16.2.2023 o Servizo de Montes emite un informe (2022_124) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Froxán: 823 hectáreas.
– MVMC Castro Portela: 321 hectáreas.
Este deslindamento correspóndese co plano do anexo X, ao final deste anuncio.
– MVMC Froxán (expediente 83/75), pertencente aos veciños de Froxán, e MVMC Vilamor (expediente 14/77), pertencente aos veciños de Vilamor. Ambos pertencen á parroquia de Vilamor, no concello de Folgoso do Courel.
O 25.9.2022 foi presentada unha solicitude relativa ao acordo de deslindamento levado a cabo por avinza entre as citadas comunidades en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación ante o Xulgado de Paz de Folgoso do Courel e certificacións de aprobación por parte das comunidades implicadas.
O 24.2.2023 o Servizo de Montes emite un informe (2022_125) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Froxán: 891 hectáreas.
– MVMC Vilamor: 399 hectáreas.
Este deslindamento correspóndese co plano do anexo XI, ao final deste anuncio.
Contra estes acordos, desde o día seguinte ao da súa publicación no Diario Oficial de Galicia, poderá interporse recurso potestativo de reposición ante o Xurado Provincial de Clasificación de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e no artigo 46 da Lei 29/1998, do 13 de xullo, da xurisdición contencioso-administrativa.
Lugo, 4 de abril de 2023
María Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo
