Para os efectos de lle dar cumprimento ao solicitado polo Xulgado do Contencioso-Administrativo número 1 de Pontevedra, en relación co procedemento ordinario 336/2022, interposto pola entidade con CIF B84930825, contra a resolución ditada polo director da Axencia de Protección da Legalidade Urbanística o 4 de outubro de 2022 (expediente POL/14/2020, en que se impón á persoa con DNI 35211513P, como responsable dunha infracción grave tipificada na Lei de costas, pola execución dun cerramento e grella, unha multa por importe de 397,80 euros, e se declaran prescritas as infraccións consistentes en reparación e consolidación dunha edificación para uso residencial con cambio de cuberta e colocación de porta e ventás, execución de soleira exterior, caseta, piscina, muros de contención, mesa e bancos de pedra e pérgola, polo transcurso de dous anos establecido no artigo 92 da Lei 22/1988, do 28 de xullo, de costas, a restitución das cousas e a súa reposición ao estado anterior ao da comisión da infracción, debendo proceder á completa demolición e retirada das obras obxecto deste expediente, sitas no lugar de Praia Mourisca, no concello de Bueu, esta dirección resolveu ordenar a remisión do correspondente expediente ao Xulgado do Contencioso-Administrativo número 1 de Pontevedra.
Ao non poder realizarse a notificación persoal do emprazamento, mediante esta cédula (que, ao abeiro do disposto no artigo 44 da Lei 39/2015, de procedemento administrativo común das administracións públicas, se lle notifica por medio dun anuncio publicado no Boletín Oficial del Estado), emprázase a persoa con DNI 35211513P para que poida comparecer como interesada nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 22 de decembro de 2022
Jacobo Hortas García
Director da Axencia de Protección da Legalidade Urbanística