Para os efectos de lle dar cumprimento ao solicitado polo Xulgado do Contencioso-Administrativo número 3 de Pontevedra, en relación co procedemento abreviado 228/2022, interposto pola persoa con DNI 35289500W, contra a resolución desestimatoria ditada polo director da Axencia de Protección da Legalidade Urbanística no recurso de reposición o 31 de maio de 2022, interposto contra outra do 13 de xaneiro de 2016 (expediente PON/591/2014-RP1), na cal se declara que as obras de construción dunha edificación para uso residencial, sitas na parcela 386 do polígono 31, no Camiño Real, 24-C, lugar de Bagüín, Mogar, no concello de Marín, non son legalizables por seren incompatibles co ordenamento urbanístico e ordena a demolición das obras, a reposición dos terreos afectados ao estado anterior ao inicio das obras e o cesamento definitivo dos usos a que deron lugar, esta dirección resolveu ordenar a remisión do correspondente expediente ao Xulgado do Contencioso-Administrativo número 3 de Pontevedra.
Ao non se poder realizar a notificación persoal do emprazamento, mediante esta cédula (que, ao abeiro do disposto no artigo 44 da Lei 39/2015, do procedemento administrativo común das administracións públicas (LPACAP), se lles notifica por medio dun anuncio publicado no Boletín Oficial del Estado) emprázase a persoa con DNI 35137712Z para que se poida presentar como interesada nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 11 de outubro de 2022
Jacobo Hortas García
Director da Axencia de Protección da Legalidade Urbanística