Vistos os expedientes instruídos para os efectos de transmisión das bateas Delfín e Places IV e das concesións administrativas que as amparan, resultan:
a) Antecedentes.
Primeiro. Mediante o escrito do 21.7.2022, José Santiago López Piñeiro solicitou autorización para a transmisión inter vivos das concesións administrativas e das bateas Delfín e Places IV.
Segundo. As persoas interesadas achegaron a documentación requirida para a tramitación.
b) Consideracións legais e técnicas.
Primeira. Este órgano é competente para resolver os expedientes de conformidade coa Lei 11/2008, do 3 de decembro, de pesca de Galicia, modificada pola Lei 6/2009, do 11 de decembro, e coa Orde do 21 de febreiro de 2022 sobre delegación de competencias en diversos órganos de dirección da Consellería do Mar e na Presidencia da entidade pública empresarial Portos de Galicia.
Segunda. Os expedientes seguiron todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia, e na Orde do 15 de xuño de 1999 pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.
Vistas as disposicións citadas, o artigo 88 da Lei 39/2015, do 1 de outubro, do procedemento administrativo común das administracións públicas, e demais normas de xeral e pertinente aplicación, esta consellería resolve:
Autorizar a transmisión inter vivos, a favor de Mejilloneras Belsan, S.L. (B10911683), das concesións administrativas e dos establecementos que se indican a seguir:
Identificación:
Tipo: batea.
Nome: Delfín.
Situación:
Cuadrícula número: 104.
Polígono: D.
Distrito: Caramiñal (A Coruña).
Especie autorizada: mexillón (Mytilus galloprovincialis).
Título habilitante: concesión.
Orde do outorgamento: 28.9.1973.
Remate da vixencia: 15.12.2029.
Actuais titulares: José Santiago López Piñeiro (***6629**) e María Belén Romero Torres (***6672**).
Nova titular: Mejilloneras Belsan, S.L. (B10911683).
Identificación:
Tipo: batea.
Nome: Places IV.
Situación:
Cuadrícula número: 36.
Polígono: B.
Distrito: Caramiñal (A Coruña).
Especie autorizada: mexillón (Mytilus galloprovincialis).
Título habilitante: concesión.
Orde do outorgamento: 8.11.1973.
Remate da vixencia: 15.12.2029.
Actuais titulares: José Santiago López Piñeiro (***6629**) e María Belén Romero Torres (***6672**).
Nova titular: Mejilloneras Belsan, S.L. (B10911683).
Baixo as seguintes condicións:
Primeira. Os actuais titulares deberán presentar no prazo máximo dun mes, desde a publicación desta resolución no Diario Oficial de Galicia, o orixinal ou a fotocopia cotexada da seguinte documentación:
– Documento notarial da transmisión ou doazón.
– Solicitude ou carta de pagamento do imposto de transmisións patrimoniais ou documento de sucesións.
Segunda. Transcorrido o prazo indicado na condición primeira sen ter presentado a documentación requirida, a autorización quedará sen efecto, logo de comunicación por parte da Consellería.
Terceira. A nova titular das concesións queda subrogada nos dereitos e nas obrigas dos anteriores, desde o momento de formalización da compravenda en escritura pública.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a Consellería do Mar, ou recurso contencioso-administrativo ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas, e no artigo 46.1 da Lei 29/1998, do 13 de xullo, reguladora da xurisdición contencioso-administrativa.
A Coruña, 23 de setembro de 2022
A conselleira do Mar
P.D. (Orde do 21.2.2022)
María José Cancelo Baquero
Xefa territorial da Coruña