Advertidos erros na citada resolución, publicada no Diario Oficial de Galicia número 161, do xoves 25 de agosto de 2022, procede facer as oportunas correccións:

Na páxina 45795, no artigo 24, punto 3.4º, segundo parágrafo, onde di: «A data dos xustificantes de gasto e do pagamento debe ser posterior á data de solicitude de axuda e terá como límite para a súa validez e admisión o último día do prazo de xustificación previsto nas bases reguladoras», debe dicir: «A data dos xustificantes de gasto e do pagamento debe ser posterior á data de solicitude de axuda e terá como límite para a súa validez e admisión o último día do prazo de xustificación previsto nas bases reguladoras. Os gastos realizados desde a data límite de xustificación da primeira anualidade da subvención e o 31 de decembro de 2022 poderán incluírse na xustificación da segunda anualidade».

Na páxina 45802, no artigo 30, punto 2.9, onde di: «Regulamento (UE) núm. 651/2014 da Comisión, do 17 de xuño de 2014, polo que se declaran determinadas categorías de axudas compatibles co mercado interior en aplicación dos artigos 107 e 108 do Tratado e se regulan os réximes de axuda concibidos para apoiar a elaboración de guións e o desenvolvemento, a produción, a distribución e a promoción de obras audiovisuais», debe dicir: «As axudas deberán cumprir as condicións de exención e os límites do artigo 3 do Regulamento (UE) nº 1407/2013, relativo á aplicación dos artigos 107 e 108 do Tratado de funcionamento da Unión Europea ás axudas de minimis. O importe total das axudas de minimis concedidas por un Estado membro a unha única empresa non excederá os 200.000 euros durante calquera período de tres exercicios fiscais. Nos anexos da presente resolución deberase formalizar a declaración das axudas percibidas polas persoas solicitantes.

Para o cómputo dos límites deste réxime de axudas terase en conta o concepto de “única empresa” establecido no artigo 2 do Regulamento (UE) núm. 1407/2013 da Comisión, do 18 de decembro».