En cumprimento do disposto no artigo 13.3 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que na correspondente oficina pública de depósito de estatutos de organizacións sindicais e empresariais desta dirección xeral se acordou depositar o acordo de modificación dos estatutos da Asociación Galega de Vitivinicultura Artesanal (Colleiteiros) (https://expinterweb.mites.gob.es/deose/publico/copiaEstatutos).
– Ámbito territorial: Comunidade Autónoma de Galicia.
– Ámbito profesional: poderán ter a condición de membros todas aquelas persoas, físicas ou xurídicas, que desenvolvan a súa actividade na Comunidade Autónoma de Galicia e cumpran as seguintes condicións:
a) Elaborar viño exclusivamente a partir de uva de colleita propia.
b) Compromiso coa realización dunha vitivinicultura o máis ecolóxica e sustentable posible.
c) Elaborar menos de 50.000 litros de viño ao ano.
d) Non usar fertilizante para o solo procedente de lodos de depuradora.
e) Non usar insecticidas nicotinoides.
– Asinantes: Antonio Cajide Gulín e Brais Cortiñas Álvarez.
Santiago de Compostela, 27 de xullo de 2022
Elena Mancha Montero de Espinosa
Directora xeral de Relacións Laborais