O artigo 26 do Real decreto lexislativo 1/2016, do 16 de decembro, polo que se aproba o texto refundido da Lei de prevención e control integrados da contaminación (Boletín Oficial del Estado núm. 316, do 31 de decembro), regula a revisión das autorizacións ambientais integradas.
Os artigos 15 e 16 do Real decreto 815/2013, do 18 de outubro, polo que se aproba o Regulamento de emisión industriais e de desenvolvemento da Lei 16/2002, do 1 de xullo, de prevención e control integrados da contaminación (Boletín Oficial del Estado núm. 251, do 19 de outubro de 2013), regulan o procedemento de revisión das autorizacións ambientais integradas.
Para os efectos previstos no artigo 15.5.a) do Real decreto 815/2013, do 18 de outubro, sométese a información pública, durante un período de 20 días hábiles contados a partir do día seguinte ao da publicación deste anuncio no Diario Oficial de Galicia, o documento titulado:
Revisión da autorización ambiental integrada. Planta de elaboración, preparados de produtos do mar.
Para que calquera persoa interesada poida consultalo e, de ser o caso, presentar dentro do citado prazo as alegacións, suxestións u observacións que considere convenientes.
Os documentos estarán á disposición dos administrados nas dependencias da Dirección Xeral de Calidade Ambiental, Sostibilidade e Cambio Climático, Servizo de Prevención e Control Integrados da Contaminación, en horario de atención ao público (rúa de San Lázaro, s/n, Santiago de Compostela).
Ademais, tamén se poderá consultar na páxina web da Consellería de Medio Ambiente, Territorio e Vivenda (http://cmatv.xunta.gal/>>medio ambiente e sostibilidade>>prevención e control de actividades>>autorización ambiental integrada>>proxectos en información pública).
As alegacións, suxestións u observacións dirixiranse ao Servizo de Prevención e Control Integrados da Contaminación.
Santiago de Compostela, 18 de maio de 2022
María Sagrario Pérez Castellanos
Directora xeral de Calidade Ambiental, Sostibilidade
e Cambio Climático
ANEXO
Expediente: 2020-IPPC-M-51.
Número da autorización ambiental integrada: 2016-IPPC-87-320.
Categoría principal da actividade: anexo I, categoría 9.1.b.i) do Real decreto lexislativo 1/2016, do 16 de decembro.
Titular: Pescanova España, S.L.
NIF: B94123916.
Localización da instalación: polígono industrial de Chapela, 36320 Redondela (Pontevedra).
Referencia catastral da parcela: 7406208NG2870N0001OM, 7406203NG2870N0001PM.
Actividade principal: elaboración de preparados de produtos do mar.
Descrición: a planta de Pescanova España, S.L., ten por actividade principal a elaboración de preparados de produtos do mar. As instalacións ocupan una parcela de aproximadamente 56,322 m² no polígono industrial de Chapela, no concello de Redondela (Pontevedra).
A actividade produtiva desenvolvida no lugar obxecto de estudo está centrada na fabricación de produtos derivados da pesca, principalmente surimi e, en menor medida, pesca natural e preparado de paella.
De forma xeral, o proceso para a elaboración de surimi baséase en:
– Recepción de materias primas, envases e auxiliares.
– Preparación previa, xelificación/cocción, formación.
– Conxelación, envasado, pasteurización.
– Arrefriamento/conxelación.
– Embalaxe/paletizado e almacenamento.
Este proceso varía lixeiramente no caso de elaboración de paella e dos produtos da pesca.