Por Acordo da Xunta de Goberno Local, na sesión extraordinaria urxente do día 23 de maio de 2022, aprobouse a oferta de emprego público de carácter excepcional derivada da Lei 20/2021, do 28 de decembro, de medidas urxentes para a redución da temporalidade no emprego público, do Concello de Celanova, do seguinte teor:

«2º Oferta de emprego público de carácter excepcional derivada da Lei 20/2021, do 28 de decembro, de medidas urxentes para a redución da temporalidade no emprego público (exp. 727/2022).

O alcalde presidente dá conta da seguinte proposta da Alcaldía:

“Conforme o artigo 91 da Lei 7/1985, do 2 de abril, reguladora das bases do réxime local, as corporacións locais formularán publicamente a súa oferta de emprego, axustándose aos criterios fixados na normativa básica estatal, en función das súas necesidades de persoal, e aos criterios que regulamentariamente se establezan en desenvolvemento dela para a súa debida coordinación coas ofertas de emprego do resto das administracións públicas.

A Lei 20/2021, do 28 de decembro, de medidas urxentes para a redución da temporalidade no emprego público, dispón no seu preámbulo que entre o obxecto da súa promulgación se atopa a adopción de medidas para mellorar a eficiencia dos recursos humanos reducindo os altos niveis de temporalidade e flexibilizando a xestión dos recursos humanos nas administracións públicas. O obxectivo da reforma é situar a taxa de temporalidade estrutural por baixo do 8 por cento no conxunto das administracións públicas españolas, actuando a reforma en tres dimensións: adopción de medidas inmediatas para remediar a elevada temporalidade existente, articulación de medidas eficaces para previr e sancionar o abuso e a fraude na temporalidade no futuro e, por último, potenciación da adopción de ferramentas e unha cultura da planificación para unha mellor xestión dos recursos humanos.

A citada norma recolle no seu artigo segundo os procesos de estabilización de emprego temporal sinalando:

“Artigo 2. Procesos de estabilización de emprego temporal

1. Adicionalmente ao establecido nos artigos 19.un.6 da Lei 3/2017, do 27 de xuño, de orzamentos xerais do Estado para o ano 2017, e 19.un.9 da Lei 6/2018, do 3 de xullo, de orzamentos xerais do Estado para o ano 2018, autorízase unha taxa adicional para a estabilización de emprego temporal que incluirá as prazas de natureza estrutural que, estean ou non dentro das relacións de postos de traballo, cadros de persoal ou outra forma de organización de recursos humanos que estean recollidas nas distintas administracións públicas e estando dotadas orzamentariamente, estivesen ocupadas de forma temporal e ininterrompidamente polo menos nos tres anos anteriores ao 31 de decembro de 2020.

Sen prexuízo do que establece a disposición transitoria primeira, as prazas afectadas polos procesos de estabilización previstos nos artigos 19.un.6 da Lei 3/2017, do 27 de xuño, de orzamentos xerais do Estado para o ano 2017, e 19.un.9 da Lei 6/2018, do 3 de xullo, de orzamentos xerais do Estado para o ano 2018, serán incluídas dentro do proceso de estabilización descrito no parágrafo anterior, sempre que estivesen incluídas nas correspondentes ofertas de emprego público de estabilización e chegada a data de entrada en vigor da presente lei, non fosen convocadas, ou sendo convocadas e resoltas, quedasen sen cubrir.

2. As ofertas de emprego que articulen os procesos de estabilización recollidos no número 1, así como o novo proceso de estabilización, deberán aprobarse e publicarse nos respectivos diarios oficiais antes do 1 de xuño de 2022 e serán coordinados polas administracións públicas competentes.

A publicación das convocatorias dos procesos selectivos para a cobertura das prazas incluídas nas ofertas de emprego público deberá producirse antes do 31 de decembro de 2022.

A resolución destes procesos selectivos deberá finalizar antes do 31 de decembro de 2024.

…/…”

Así mesmo, a disposición adicional sexta da norma autoriza unha convocatoria excepcional de estabilización de emprego temporal de longa duración indicando que “As administracións públicas convocarán, con carácter excepcional e de acordo co previsto no artigo 61.6 e 7 do TREBEP, polo sistema de concurso, aquelas prazas que, reunindo os requisitos establecidos no artigo 2.1, estivesen ocupadas con carácter temporal de forma ininterrompida con anterioridade ao 1 de xaneiro de 2016.

Estes procesos, que se realizarán por unha soa vez, poderán ser obxecto de negociación en cada un dos ámbitos territoriais da Administración do Estado, comunidades autónomas e entidades locais e respectarán, en todo caso, os prazos establecidos nesta norma”.

Pola súa banda, a disposición adicional oitava da Lei 20/2021 sinala: “Disposición adicional oitava. Identificación das prazas para incluír nas convocatorias de concurso.

Adicionalmente, os procesos de estabilización contidos na disposición adicional sexta incluirán nas súas convocatorias as prazas vacantes de natureza estrutural ocupadas de forma temporal por persoal cunha relación, desta natureza, anterior ao 1 de xaneiro de 2016”.

Con base no anterior, en cumprimento das obrigas sinaladas nos preceptos de referencia, por providencia de Alcaldía do 9 de maio de 2022 dispúxose a incoación do expediente relativo á oferta de emprego público de carácter excepcional derivada da Lei 20/2021, do 28 de decembro, de medidas urxentes para a redución da temporalidade no emprego público.

A xefa da Unidade dos Servizos Xerais, Contratación, Recursos Humanos e Xestión de Persoal emitiu informe o 16.5.2022 no cal, tras unha análise das prazas susceptibles de seren incluídas na citada oferta de emprego, propuxo a relación de prazas obxecto de inclusión.

A proposta de oferta de emprego foi sometida á mesa xeral de negociación o 20.5.2022 en virtude do artigo 37.1.l) do Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público.

Visto que constan no expediente informes da Intervención do 16.5.2022, co número 2022-0066, e do 23.5.2022, co número 2022-0071, e da Secretaría do 23.5.2022, co número 2022-0037.

Considerando que a Alcaldía, en virtude do Decreto de 5 de xullo de 2019 (BOP de Ourense núm. 181, do 8 de agosto de 2019), resolveu, entre outros aspectos “delegar en favor da Xunta de Goberno Local, de conformidade co disposto no artigo 21.3 da Lei 7/1985, do 2 de abril, reguladora das bases do réxime local, o exercicio das seguintes atribucións correspondente á Alcaldía: a) Aprobar a oferta de emprego público de acordo co orzamento e o cadro de persoal aprobados polo Pleno”.

Atendido o anteriormente sinalado, esta alcaldía propón á Xunta de Goberno a adopción do seguinte acordo:

Primeiro. Aprobar a oferta de emprego público de 2022 de carácter excepcional derivada da Lei 20/2021, do 28 de decembro, de medidas urxentes para a redución da temporalidade no emprego público, que contén as seguintes prazas.

Persoal funcionario:

Denominación da praza	Subgrupo	Escala	Subescala	Sistema de selección	Nº prazas
Auxiliar administrativo/a	C2	Administración xeral	Auxiliar	Concurso (D.A. 6ª Lei 20/2021)	4
Arquitecto/a	A1	Administración especial	Técnica	Concurso (D.A. 6ª Lei 20/2021)	1
Axente TIC da Aula CeMIT	C1	Administración especial	Servizos especiais	Concurso (D.A. 6ª Lei 20/2021	1
Total: 6

Persoal laboral fixo:

Denominación da praza	Grupo	Sistema de selección	Xornada	Nº prazas
Operarios/as de limpeza de instalacións municipais	V	Concurso (D.A. 6ª Lei 20/2021)	Completa	2
Axente de emprego e desenvolvemento local	I	Concurso (D.A. 6ª Lei 20/2021)	Completa	1
Auxiliar administrativo/a	IV	Concurso (D.A. 6ª Lei 20/2021)	Completa	1
Técnico/a de orientación laboral	I	Concurso-oposición (artigo 2 Lei 20/2021)	Completa	1
Monitor/a deportivo/a	IV	Concurso (D.A. 6ª Lei 20/2021)	Completa	1
Monitor/a deportivo/a	IV	Concurso-oposición (artigo 2 Lei 20/2021)	Completa	1
Monitor/a deportivo/a	IV	Concurso (D.A. 6ª Lei 20/2021)	Parcial (60 % da xornada)	1
Total: 8

Segundo. Publicar a oferta de emprego público no taboleiro de anuncios do Concello de Celanova, así como na sede electrónica deste concello https://celanova.sedelectronica.es/info.0, no Boletín Oficial da provincia de Ourense e no Diario Oficial de Galicia.

Terceiro. Notificar o presente acordo aos empregados públicos municipais que se atopan ocupando as prazas que son obxecto da oferta.

Cuarto. A publicación das convocatorias dos procesos selectivos para a cobertura das prazas incluídas nas ofertas de emprego público deberá producirse antes do 31 de decembro de 2022. A resolución destes procesos selectivos deberá finalizar antes do 31 de decembro de 2024.

Quinto. Dar traslado do presente acordo ao Ministerio de Facenda e Función Pública, a través da Secretaría de Estado de Orzamentos e Gastos».

A Xunta de Goberno Local, en virtude do exposto, tras a votación ordinaria e por unanimidade dos cinco membros presentes nesta sesión, sendo cinco o número legal de membros que a compoñen,

ACORDOU:

Primeiro. Aprobar a oferta de emprego público de 2022 de carácter excepcional derivada da Lei 20/2021, do 28 de decembro, de medidas urxentes para a redución da temporalidade no emprego público, que contén as seguintes prazas:

Persoal funcionario:

Denominación da praza	Subgrupo	Escala	Subescala	Sistema de selección	Nº prazas
Auxiliar administrativo/a	C2	Administración xeral	Auxiliar	Concurso (D.A. 6ª Lei 20/2021)	4
Arquitecto/a	A1	Administración especial	Técnica	Concurso (D.A. 6ª Lei 20/2021)	1
Axente TIC da Aula CeMIT	C1	Administración especial	Servizos especiais	Concurso (D.A. 6ª Lei 20/2021)	1
Total: 6

Persoal laboral fixo:

Denominación da praza	Grupo	Sistema de selección	Xornada	Nº prazas
Operarios/as de limpeza de instalacións municipais	V	Concurso (D.A. 6ª Lei 20/2021)	Completa	2
Axente de emprego e desenvolvemento local	I	Concurso (D.A. 6ª Lei 20/2021)	Completa	1
Auxiliar administrativo/a	IV	Concurso (D.A. 6ª Lei 20/2021)	Completa	1
Técnico/a de orientación laboral	I	Concurso-oposición (artigo 2 Lei 20/2021)	Completa	1
Monitor/a deportivo/a	IV	Concurso (D.A. 6ª Lei 20/2021)	Completa	1
Monitor/a deportivo/a	IV	Concurso-oposición (artigo 2 Lei 20/2021)	Completa	1
Monitor/a deportivo/a	IV	Concurso (D.A. 6ª Lei 20/2021)	Parcial (60 % da xornada)	1
Total: 8

Segundo. Publicar a oferta de emprego público no taboleiro de anuncios do Concello de Celanova, así como na sede electrónica deste concello https://celanova.sedelectronica.es/info.0, no Boletín Oficial da provincia de Ourense e no Diario Oficial de Galicia.

Terceiro. Notificar o presente acordo aos empregados públicos municipais que se atopan ocupando as prazas que son obxecto da oferta.

Cuarto. A publicación das convocatorias dos procesos selectivos para a cobertura das prazas incluídas nas ofertas de emprego público deberá producirse antes do 31 de decembro de 2022. A resolución destes procesos selectivos deberá finalizar antes do 31 de decembro de 2024.

Quinto Dar traslado do presente acordo ao Ministerio de Facenda e Función Pública, a través da Secretaría de Estado de Orzamentos e Gastos.

Fronte a este acordo ditado pola Xunta de Goberno Local, que pon fin á vía administrativa, poderase presentar alternativamente recurso de reposición ante o órgano que o acordou no prazo dun mes contado desde o día seguinte ao da publicación do presente anuncio, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou recurso contencioso-administrativo, ante os xulgados do contencioso-administrativo de Ourense, no prazo de dous meses, contado desde o día seguinte ao da precitada publicación, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa. Se se opta por interpoñer o recurso de reposición potestativo, non poderá interpoñer recurso contencioso-administrativo ata que aquel sexa resolto expresamente ou se produza a súa desestimación por silencio. Así mesmo, poderase exercer calquera outro recurso que se considere pertinente.

Celanova, 23 de maio de 2022

Antonio Puga Rodríguez
Alcalde