Visto o expediente instruído para os efectos de transmisión inter vivos dun parque de cultivo e da concesión administrativa que o ampara, resulta:

a) Antecedentes de feito:

Primeiro. José Benito Fernández Carballa (***7653**) en virtude do cambio de dominio publicado no DOG núm. 111, do 11 de xuño de 1999, é titular dun parque de cultivo mariño de 595 m2 de dominio público marítimo terrestre no lugar denominado O Estanque, na praia de Campelo, entre Escofiños e Illa dos Ratos, Poio (Pontevedra).

Segundo. Mediante escrito do 28 de marzo do 2022, José Benito Fernández Carballa (***7653**) solicitou autorización para a transmisión da titularidade e da concesión administrativa do parque de cultivo mariño do que é titular.

Terceiro. O interesado achegou a documentación requirida para a tramitación.

Cuarto. No expediente consta Resolución da Xefatura Territorial da Consellería do Mar en Vigo que autoriza unha prórroga extraordinaria da concesión administrativa ata o 16 de outubro de 2050.

b) Consideracións legais e técnicas:

Primeira. Este órgano é competente para resolver o expediente de conformidade coa Lei 11/2008, do 3 de decembro, de pesca de Galicia (DOG núm. 243, do 16 de decembro), modificada pola Lei 6/2009, do 11 de decembro (DOG núm. 243, do 15 de decembro); e coa Orde do 21 de febreiro de 2022, de delegación de competencias en diversos órganos de dirección da Consellería do Mar e na Presidencia da entidade pública empresarial Portos de Galicia.

Segunda. O expediente seguiu todos os trámites establecidos no procedemento administrativo común, coas especialidades previstas no Decreto 274/2003, do 4 de xuño, polo que se regula o procedemento de obtención do permiso e concesión de actividade para os establecementos de acuicultura e auxiliares de acuicultura na zona terrestre (DOG núm. 110, do 9 de xuño).

Vistas as disposicións citadas, o artigo 88 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), e demais normas de xeral e pertinente aplicación, esta consellería resolve:

Autorizar a transmisión inter vivos, a favor de Moluscos Rías Baixas, S.A.U. (A36031714), do parque de cultivo mariño e da concesión administrativa, que se indica a seguir:

Identificación:

Tipo: parque de cultivo.

Especies: ameixa fina (Ruditapes decussatus), ameixa babosa (Venerupis corrugata) e ameixa xaponesa (Ruditapes philippinarum).

Localización: O Estanque, entre Escofiños e Illa dos Ratos, Campelo, Poio (Pontevedra).

Título habilitante: concesión.

Data de outorgamento: Orde ministerial do 16 de outubro de 1975.

Superficie de dominio público marítimo terrestre: 595 m2.

Remate da vixencia: 16.10.2050.

Actual titular: José Benito Fernández Carballa (***7653**).

Novo titular: Moluscos Rías Baixas, S.A.U. (A36031714).

Baixo as seguintes condicións:

Primeira. O actual titular deberá presentar no prazo máximo de un mes, contado desde o día seguinte ao da publicación desta resolución no Diario Oficial de Galicia, orixinal ou fotocopia cotexada da seguinte documentación:

a) Documento notarial da transmisión ou doazón.

b) Solicitude ou carta de pagamento do imposto de transmisións patrimoniais ou documento de sucesións.

Segunda. Transcorrido o prazo indicado na condición primeira sen ter presentado a documentación requirida, a autorización quedará sen efecto, logo de comunicación por parte da consellería.

Terceira. O novo titular da concesión queda subrogado nos dereitos e nas obrigas do anterior desde o momento de formalización da compravenda en escritura pública.

Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), e o artigo 46.1 da Lei 29/1998, do 13 de xullo, reguladora da xurisdición contencioso-administrativa.

Vigo, 30 de marzo de 2022

A conselleira do Mar
P.D. (Orde do 21.2.2022)
A xefa territorial de Vigo
P.S. (Resolución do 19.1.2022)
Carmen de Benito Caula
Xefa do Servizo de Pesca, Acuicultura e Innovación Tecnolóxica