De conformidade co disposto no artigo 45 da Lei 39/2015, do 1 de outubro, do procedemento administrativo común das administracións públicas, publícase o seguinte anuncio:

O Consello da Xunta de Galicia na súa reunión do 8 de abril de 2022 adoptou, entre outros, o seguinte

ACORDO:

1. Declarar a perda da condición de utilidade pública e a conseguinte exclusión do Catálogo de montes de utilidade pública da seguinte parcela localizada no monte Ruña, número 103-K, situado na parroquia de Colúns do concello de Mazaricos (A Coruña):

– Parcela coa referencia catastral 15046A402003380000QR, de 112.337 m2 de superficie (11,23 ha).

2. A superficie do monte de utilidade pública, logo desta modificación, pasará a ser de 235,48 ha.

3. Dar traslado ao Ministerio para a Transición Ecolóxica e o Reto Demográfico da citada modificación da declaración de utilidade pública.

Contra este acordo as persoas interesadas poderán interpoñer recurso de reposición, con carácter potestativo, ante o Consello da Xunta de Galicia no prazo dun mes, ou ben interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e nos artigos 10 e 46 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 18 de abril de 2022

José Luis Chan Rodríguez
Director xeral de Planificación e Ordenación Forestal