Para os efectos de darlle cumprimento ao solicitado polo Xulgado do Contencioso-Administrativo número 1 de Lugo, en relación co procedemento ordinario número 344/2021, interposto pola persoa con DNI 20185845X, contra a resolución desestimatoria ditada polo director da Axencia de Protección da Legalidade Urbanística no recurso de reposición o 24.9.2021, interposto contra outra do 6.11.2020, expediente LUG/100/2014-RP1, na cal se declara que as obras executadas en solo rústico, consistentes na construción dunha edificación principal, de tres plantas (vivenda unifamiliar) e de catro construcións auxiliares, que conforman todas elas un conxunto construtivo ao servizo dun uso residencial, sen que exista vinculación a unha explotación agrícola ou gandeira, levadas a cabo no lugar de Porto de Lugo, parroquia de Pías, concello de Lugo, non son legalizables por ser incompatibles co ordenamento urbanístico e ordena a demolición das obras e o cesamento definitivo dos usos a que desen lugar, esta dirección resolveu ordenar a remisión do correspondente expediente ao Xulgado do Contencioso-Administrativo número 1 de Lugo.
Ao non poder realizarse a notificación persoal do emprazamento, mediante a presente cédula (que ao abeiro do disposto no artigo 44 da Lei 39/2015, do procedemento administrativo común das administracións públicas-LPACAP, notifícaselle por medio dun anuncio publicado no Boletín Oficial del Estado) emprázase a persoa con DNI 20183404F para que poida presentarse como interesada nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 21 de febreiro de 2022
Jacobo Hortas García
Director da Axencia de Protección da Legalidade Urbanística