En cumprimento do disposto no artigo 28 do Regulamento para a execución da Lei 13/1989, do 10 de outubro, de montes veciñais en man común, aprobado polo Decreto 260/1992, do 4 de setembro, e de conformidade co disposto no artigo 45 da Lei 39/2015, do 1 de outubro, do procedemento administrativo común das administracións públicas, faise público que o Xurado Provincial de Clasificación de Montes Veciñais en Man Común de Ourense, en sesión que tivo lugar con data do 23 de novembro de 2021, adoptou a seguinte resolución:
Examinado o expediente de clasificación como veciñal en man común do monte denominado De Ardexarxe a favor dos/das veciños/as de Ardexarxe, na parroquia de Fradelo (San Vicenzo), no concello de Viana do Bolo (Ourense), resultan os seguintes feitos:
Primeiro. Con data do 6 de marzo de 2020, tivo entrada no rexistro da Xefatura Territorial da Consellería do Medio Rural escrito dirixido ao Xurado Provincial de Clasificación de Montes Veciñais en Man Común de Martín Bembibre González, en que solicitaba a clasificación como veciñal en man común de varias parcelas denominadas De Ardexarxe.
Segundo. Con data do 23 de xuño de 2021, o Xurado Provincial acorda iniciar o expediente de clasificación como veciñal en man común do referido monte, designando instrutor e realizando as comunicacións e publicacións ás que fan referencia os artigos 20, 21 e 23 do Regulamento para a execución da Lei 13/1989, do 10 de outubro, de montes veciñais en man común, aprobado polo Decreto 260/1992, do 4 de setembro, abrindo un período dun mes para a práctica de alegacións.
Terceiro. No prazo concedido para a práctica de alegacións non consta que se presentase ningunha.
Cuarto. O monte obxecto de clasificación, de acordo coa documentación que consta no expediente, descríbese así:
Nome do monte: De Ardexarxe.
Superficie: 5,5 ha.
Pertenza: veciños/as de Ardexarxe.
Parroquia: Fradelo (San Vicenzo).
Concello: Viana do Bolo.
Nas seguintes táboas indícanse as referencias catastrais das parcelas obxectos de clasificación, así como as das estremeiras.
Predio 1. Os Bicos:
|
Parcela obxecto de clasificación |
Parcelas estremeiras |
|
|
32087A02600032 |
Norte |
32093A01500185 32087A02600033 32087A02600015 32087A02600013 32087A02600016 |
|
Leste |
32087A02600008 32087A02600007 32087A02600034 |
|
|
Sur |
32087A02600009 32087A02600004 32087A02609003 |
|
|
Oeste |
32093A01500186 32093A01500921 |
|
Predio 2. Os Bicos:
|
Parcelas obxecto de clasificación |
Parcelas estremeiras |
|
|
32087A02600031 |
Norte |
32087A02600008 |
|
Leste |
32087A02609001 |
|
|
Sur |
32087A02609002 |
|
|
Oeste |
32087A02600009 |
|
Predio 3. Sucarreira:
|
Parcelas obxecto de clasificación |
Parcelas estremeiras |
|
|
32087A02700055 |
Norte |
32087A02700012 |
|
Leste |
32087A02609003 |
|
|
Sur |
32087A02700007 |
|
|
Oeste |
32087A02700006 32087A02700010 |
|
Predio 4. Campiña:
|
Parcelas obxecto de clasificación |
Parcelas estremeiras |
|
|
32087A13000032 |
Norte e leste |
32087A13000226 |
|
Sur e oeste |
32087A13000030 |
|
Fundamentos de dereito:
Primeiro. O Xurado Provincial de Clasificación de Montes Veciñais en Man Común é o órgano competente para coñecer os expedientes de clasificación dos montes que teñan tal carácter, de acordo co establecido no artigo 9 da Lei 13/1989, do 10 de outubro, de montes veciñais en man común.
Segundo. De conformidade co disposto no artigo 1 da dita lei «son montes veciñais en man común... os que, con independencia da súa orixe, as súas posibilidades produtivas, o seu aproveitamento actual e a súa vocación agraria, pertenzan a agrupacións veciñais na súa calidade de grupos sociais e non como entidades administrativas, e se veñan aproveitando consuetudinariamente en réxime de comunidade sen asignación de cotas polos membros daquelas na súa condición de veciños».
Terceiro. É reiterada doutrina da Sala Contencioso-Administrativo do Tribunal Supremo que son dúas as notas características dos montes veciñais en man común: unha, o aproveitamento consuetudinario en man común, e outra, a atribución da titularidade dese aproveitamento aos veciños integrantes dun grupo social determinado, independentemente da súa cualificación ou non como entidade administrativa, e correspóndelle constatar o aproveitamento e atribuír a titularidade a favor do grupo social que o veña gozando ao Xurado Provincial de Clasificación de Montes Veciñais en Man Común de Ourense.
Cuarto. O carácter de monte veciñal en man común tense acreditado mediante as testemuñas dos veciños solicitantes, as actuacións realizadas polo Servizo de Montes, e a documentación que consta no expediente.
En consecuencia co que antecede, examinada a Lei 13/1989, do 10 de outubro, de montes veciñais en man común, o seu regulamento, aprobado polo Decreto 260/1992, do 4 de setembro, o Decreto 149/2018, do 5 de decembro, polo que se establece a estrutura orgánica da Consellería do Medio Rural e demais normativa legal e regulamentaria, o Xurado Provincial por unanimidade dos seus membros,
RESOLVE:
Clasificar como monte veciñal en man común o monte denominado De Ardexarxe a favor dos/das veciños/as de Ardexarxe, na parroquia de Fradelo (San Vicenzo), no concello de Viana do Bolo (Ourense), de acordo coa descrición realizada no punto cuarto.
Contra esta resolución, que pon fin á vía administrativa, poderase interpoñer recurso potestativo de reposición perante o Xurado Provincial de Clasificación de Montes Veciñais en Man Común de Ourense, no prazo dun mes, ou ben directamente recurso contencioso-administrativo perante o Xulgado do Contencioso-Administrativo de Ourense, no prazo de dous meses, contados desde o día seguinte ao desta notificación, de acordo co disposto no artigo 12 da citada Lei 13/1989, nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e nos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.
Ourense, 4 de febreiro de 2022
Luis Jorge Álvarez Ferro
Presidente do Xurado Provincial de Clasificación de Montes Veciñais
en Man Común de Ourense
