Na sesión celebrada polo xurado provincial o día 20.12.2021, figura o seguinte acordo:
MVMC Espenucas, Algosas, Couteiro, Pico de Paredes e Costa de Cebrán (expediente 121/78), pertencente aos veciños da parroquia do Sisto, concello de Ourol.
– O 22.8.2019 tivo entrada unha proposta, aprobada pola comunidade do Sisto, de deslindamento parcial do monte con propiedades particulares.
– O 2.9.2019, o Servizo de Montes emite un informe favorable da proposta de deslindamento.
– O 11.9.2019 envíase ao Concello de Ourol o anuncio para os efectos da súa publicidade no seu taboleiro de anuncios.
– O 25.9.2019 publícase no DOG o anuncio polo que se fai pública a proposta de deslindamento e se abre o prazo para alegacións. Expediente de deslindamento 4DES/2019.
– O 15.5.2020 a comunidade do Sisto presenta unha proposta que recibe o informe favorable do Servizo de Montes o 18.5.2020.
– O 25.11.2021 a comunidade do Sisto presenta a proposta da liña de deslindamento definitiva e achega a documentación requirida no artigo 54 da Lei 7/2012, de montes de Galicia.
– O 14.12.2021, o Servizo de Montes emite un informe en que se especifican as modificacións que se producen como consecuencia do deslindamento. Segundo a nova cartografía, o monte de Espenucas, Algosas, Couteiro, Pico de Paredes e Costa de Cebrán pasa a ter una superficie de 329,77 hectáreas.
De conformidade co disposto no artigo 54.3 da Lei 7/2012, no caso de informe favorable, unha vez ratificado o deslindamento provisional pola asemblea xeral, darase traslado ao xurado provincial dos acordos alcanzados e o Xurado Provincial de Clasificación de Montes Veciñais en Man Común ditará resolución aprobatoria do deslindamento.
En vista do anterior, o xurado, por unanimidade, acorda aprobar o deslindamento e realizar as oportunas correccións no expediente, de conformidade co informe elaborado polo Servizo de Montes.
O plano que figura no anexo, ao final deste anuncio, corresponde ao monte veciñal tras o deslindamento aprobado.
Contra este acordo, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Clasificación de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e no artigo 46 da Lei 29/1998, do 13 de xullo, da xurisdición contencioso-administrativa.
Lugo, 17 de xaneiro de 2022
Mª Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo