De conformidade co disposto no artigo 16.4 do Real decreto 1075/2014, do 19 de decembro, sobre a aplicación a partir de 2015 dos pagamentos directos á agricultura e á gandaría e a outros réximes de axuda, así como sobre a xestión e o control dos pagamentos directos e dos pagamentos ao desenvolvemento rural, por non ter activados os dereitos de pagamento básico durante dous anos consecutivos, procede a retirada deles, que pasan á reserva nacional.

Consonte o anterior, esta dirección

RESOLVE:

Primeiro. Facer pública a notificación na web do Fogga (https://fogga.xunta.gal/gl/pac/consultas_pac/dereitos_de_pagamento_basico) da resolución de retirada de dereitos de pagamento básico de 2021, pola non utilización destes en 2019 e 2020; a resolución de retirada de dereitos de pagamento básico de 2020, pola non utilización destes en 2018 e 2019; a resolución de retirada de dereitos de pagamento básico pendente de 2019, pola non utilización destes en 2017 e 2018, e a resolución de retirada de dereitos de pagamento básico pendente de 2018, pola non utilización destes en 2016 e 2017.

Segundo. Contra esta resolución, que non pon fin á vía administrativa, as persoas interesadas poderán interpor recurso de alzada ante o presidente do Fogga no prazo dun mes contado desde o día seguinte ao desta publicación, consonte o disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas. O prazo de interposición concluirá o mesmo día desta publicación no mes de vencemento, de conformidade no artigo 30.4 da Lei 39/2015, do 1 de outubro.

Santiago de Compostela, 30 de novembro de 2021

Silvestre José Balseiros Guinarte
Director do Fondo Galego de Garantía Agraria