Visto o expediente en trámite para lograr a xestión da biomasa existente nas parcelas 831 e 833 do polígono 4 en Santa María de Oia, propiedade de Residenciales Oia, S.L., segundo información catastral, no cal foi incoado expediente de orde de execución contra o titular, polo Decreto 240/2021, do 11 de maio de 2021.
Visto que, resultando rexeitada a notificación electrónica, o decreto de orde de execución foi obxecto de publicación no DOG e no BOE de acordo co disposto no artigo 22 da Lei 3/2007, os días 16 e 18 de xuño de 2021 respectivamente.
Transcorridos os prazos concedidos para efectuar a limpeza ordenada e a facultade de realizar alegacións sen noticias do titular obrigado á xestión da biomasa ordenada, emítese novo informe técnico que invoca as facultades de execución subsidiaria que o artigo 22.4 da Lei 3/2007 atribúe a esta alcaldía, decrétase o inicio do expediente de execución subsidiaria por parte do Concello, con liquidación de custos ao obrigado (Decreto 410/2021).
Rexeitada unha vez máis a notificación electrónica, e co fin de poder continuar co procedemento, ordénase a publicación no DOG e no BOE do contido da resolución referida:
Primeiro. Acordar a execución subsidiaria da xestión da biomasa ordenada polo Decreto 240/2021, contra Residenciales Oia, S.L., por incumprimento do obrigado, por conta do Concello, para garantir a seguridade das personas e bens en risco, co seguinte detalle:
Nº expte. |
Ref. catastral |
Data notificación/ publicación |
Parroquia |
Lugar/polígono/ parcela |
ha afectadas por execución subsidiaria |
Liquidación provisional dos traballos de xestión de biomasa |
Data de constatación do incumprimento |
Persoa responsable |
1060/2020 |
36036A004008310000QF |
DOG do 16.6.2021 BOE do 18.6.2021 |
Mougás |
A Mata/4/831 |
0,0850 |
143,56 € |
9.7.2021 |
Residenciales Oia, S.L. |
36036A004008330000QO |
DOG do 16.6.2021 BOE do 18.6.2021 |
Mougás |
A Mata/4/833 |
0,0533 |
90,02 € |
Segundo. Aprobar a liquidación provisional dos custos que a xestión da biomasa suporá para o concello de Oia, tendo en conta a superficie afectada e que ciframos en 143,56 € na parcela 831 e en 90,02 € na parcela 833.
Terceiro. Notificar esta á interesada, co réxime de recursos que proceda, e indicar os prazos para o pagamento, en voluntaria e en executiva, da liquidación de custos que se aproba.
Cuarto. Dar conta ao Pleno na primeira sesión ordinaria que teña lugar.
O citado acordo pon fin á vía administrativa, polo que contra el pode interpoñer recurso de reposición no prazo dun mes, ante o mesmo órgano que ditou o acto, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben, se non quere exercer o seu dereito a presentar o recurso potestativo de reposición mencionado, pode interpoñer directamente recurso contencioso-administrativo, no prazo de dous meses, ante o Xulgado do Contencioso-Administrativo, órgano xurisdicional competente, conforme o establecido na Lei 29/1998, do 13 de xullo, reguladora da xurisdición contencioso-administrativa.
Ademais, e polo que respecta á liquidación en voluntaria, que ascende a 233,58 €, requíreselle o pagamento mediante ingreso en conta bancaria municipal aberta a nome do Concello de Oia en Banco Pastor, número ES24/0238/8336/4606/6000/0173, nos seguintes prazos:
Se a notificación se recibe nos días 1 a 15 do mes, o prazo remata o día 20 do mes seguinte.
Se a notificación se recibe nos días 16 a último do mes, o prazo remata o día 5 do segundo mes natural seguinte.
De ser día inhábil o último día do prazo, este estenderase ata o seguinte día hábil.
En caso de impagamento nos prazos indicados, abriráse o período executivo de pagamento, coa aplicación das recargas do período executivo que regula o artigo 65 da Lei 58/2003, xeral tributaria.
Oia, 10 de agosto de 2021
Cristina Correa Pombal
Alcaldesa