O Pleno do Concello da Veiga, en sesión ordinaria do 15 de xullo de 2021, aprobou definitivamente o Plan especial de infraestruturas e dotacións para a construción de Centro de Iniciativas Municipais da Veiga, acordo que se transcribe literalmente:
«Tramitado o expediente para a aprobación do Plan especial de infraestruturas e dotacións, que ten por obxecto o establecemento e a ordenación das infraestruturas ás cales se refire o artigo 73 da Lei 2/2016, do 10 de febreiro, do solo de Galicia, para a implantación do uso e actividade de construción de Centro de Iniciativas Municipais da Veiga (CIMA):
Visto o informe ambiental estratéxico do Plan especial de infraestruturas e dotacións para Centro de Iniciativas Municipais do Concello da Veiga (Ourense), da Consellería de Medio Ambiente Territorio e Vivenda. Dirección Xeral de Calidade Ambiental, Sostibilidade e Cambio Climático, do 2 de marzo de 2021, con CVE: Iy80T7bqa4.
Visto o Informe favorable do 9.7.2021, previo á aprobación definitiva do Plan especial de infraestruturas e dotación para Centro de Iniciativas Municipais (CIMA) da Veiga, emitido pola Dirección Xeral de Ordenación do Territorio e Urbanismo da Consellería de Medio Ambiente, Territorio e Vivenda, con CVE: lRdObeIWg7.
Considerando canto antecede, e de conformidade co disposto no artigo 75 da Lei 2/2016, do 10 de febreiro, do solo de Galicia, así como co disposto no artigo 186 do seu regulamento, o Concello Pleno, por unanimidade dos membros asistentes a esta sesión, acorda:
Primeiro. Aprobar definitivamente o Plan especial de infraestruturas e dotacións para a construción de Centro de Iniciativas Municipais da Veiga (CIMA).
Segundo. Publicar a aprobación definitiva no Diario Oficial de Galicia para os efectos do establecido no artigo 82 da Lei 2/2016, do 10 de febreiro, do solo de Galicia, e poñer o contido íntegro do plan á disposición do público no enderezo electrónico https://aveiga.sedelectronica.gal (Portal de transparencia. Urbanismo).
Terceiro. Comunicar o acordo de aprobación definitiva, en virtude do artigo 88 da Lei 2/2016, do 10 de febreiro, do solo de Galicia, á consellería competente en materia de urbanismo, para a súa inscrición no Rexistro de Plan Urbanístico de Galicia, e achegar un exemplar en soporte dixital, debidamente dilixenciado».
Contra o acordo de aprobación definitiva poderase interpoñer recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ao da publicación deste anuncio no Diario Oficial de Galicia, sen prexuízo de que se poderá exercer calquera outro recurso que se considere procedente. O que se publica para xeral coñecemento e para producir os efectos previstos neste acordo.
A Veiga, 21 de xullo de 2021
Juan Anta Rodríguez
Alcalde