Advertido un erro material na citada orde, publicada no Diario Oficial de Galicia número 137, do martes 20 de xullo de 2021, cómpre realizar a seguinte corrección:
Nas páxinas 37009 e 37010, no artigo 11.1 hai un erro material e onde di:
«1. O órgano instrutor dos expedientes para o Programa I será o Servizo de Emprego e Economía Social da xefatura territorial da Consellería de Emprego e Igualdade correspondente por razón do territorio segundo a localización do domicilio fiscal que realizará as actuacións necesarias para determinar o coñecemento e a comprobación dos datos en virtude dos cales se debe formular a proposta de resolución».
Debe dicir:
«1. O órgano instrutor dos expedientes para o Programa I será o Servizo de Emprego e Economía Social da xefatura territorial da Consellería de Emprego e Igualdade correspondente por razón do territorio segundo consta na alta do imposto de actividades económicas ou alta no censo de obrigados tributarios da Axencia Estatal da Administración Tributaria, que realizará as actuacións necesarias para determinar o coñecemento e a comprobación dos datos en virtude dos cales se debe formular a proposta de resolución. No caso de carecer de centro de traballo, considérase que a súa actividade empresarial ou profesional será o domicilio fiscal, ao igual que cando desenvolve a súa actividade en varias provincias».