Tipo e número de recurso: recurso de suplicación (RSU) 3563/2020

Xulgado de orixe/autos: OAL p. oficio Autoridade Laboral 679/2019 Xulgado do Social número 4 de Ourense

Recorrente: Decade Grupo Marketing, S.L.

Avogado: Josue Barbero Rapallo

Procuradora: Sonia Juiz Casas

Recorridos: Tesouraría Xeral da Seguridade Social, Fernando Coelho Sánchez, Manuel Alfonso Gómez Álvarez, Ángel Javier Álvarez González, Alejandro Andrade Alonso, George Andrei Radu

Avogado: letrado da Seguridade Social, Fátima María Salgado Carbajales (...), (...), (...), (...)

Eu, María Isabel Freire Corzo, letrada da Administración de xustiza da Sala do Social do Tribunal Superior de Xustiza da Coruña, fago saber que no procedemento de recurso de suplicación 3563/2020 desta sección, seguido a instancia de Decade Grupo Marketing, S.L. contra a Tesouraría Xeral da Seguridade Social, Fernando Coelho Sánchez, Manuel Alfonso Gómez Álvarez, Anxo Javier Álvarez González, Alejandro Andrade Alonso e George Andrei Radu, sobre outros dereitos laborais, se ditou a Resolución con data 20 de maio de 2021 cuxa parte dispositiva é a seguinte:

«Decidimos: que, desestimando o recurso de suplicación interposto pola empresa Decada Grupo Marketing, S.L. contra a sentenza ditada polo Xulgado do Social número 4 de Ourense, de data 16 de xaneiro de 2020, debemos confirmar integramente a resolución impugnada.

Notifíqueselles a presente resolución ás partes e ao Ministerio Fiscal.

Modo de impugnación: fáiselles saber ás partes que contra esta sentenza cabe interpor recurso de casación para unificación de doutrina, que se deberá preparar mediante escrito presentado ante esta sala dentro do improrrogable prazo de dez días hábiles inmediatos seguintes á data de notificación da sentenza. Se o recorrente non tivese a condición de traballador ou beneficiario do réxime público da Seguridade Social deberá efectuar:

– O depósito de 600 € na conta de 16 díxitos desta sala, aberta no Banco de Santander (Banesto) co número 1552 0000 37, seguida de catro díxitos correspondentes ao número do recurso e dous díxitos do ano deste.

– Así mesmo, se hai cantidade de condena deberá consignala na mesma conta, pero co código 80 en vez do 37 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións ou concepto da transferencia” os 16 díxitos que corresponden ao procedemento (1552 0000 80 ou 37 **** ++).

Unha vez firme, expídase certificación para constancia na peza que se arquivará neste tribunal, incorporándose o orixinal ao correspondente libro de sentenzas, logo de devolución dos autos ao xulgado do Social de procedencia.

Así, por esta a nosa sentenza, pronunciámolo, mandámolo e asinámolo».

E para que lle sirva de notificación en legal forma a George Andrei Radu, en ignorado paradoiro, expido o presente edicto para a súa inserción no Diario Oficial de Galicia.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da Oficina Xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 28 de maio de 2021

A letrada da Administración de xustiza