Eu, Eva Ortiz Suárez, letrada da Administración de xustiza do Xulgado do Social número 5 da Coruña, fago saber que no procedemento despido/cesamentos en xeral 248/2020 deste xulgado do social, se ditou sentenza cuxa decisión é do teor literal seguinte:

«Decisión:

– Que debo desestimar e desestimo, a demanda que en materia de resolución de contrato, que foi interposta por Francisco Enrique González Varela, contra as entidades Soil Recovery, S.L., e a súa Administración Concursal, San Ignacio S.L., Ignacio Ruiz Gallardón García de la Rasilla e Luis Mingo Martín, ás que debo absolver das pretensións formuladas na súa contra, pola súa falta de lexitimación pasiva.

– Que debo estimar e estimo a demanda que en materia de resolución de contrato, foi interposta por Francisco Enrique González Varela, contra a entidade Elaborados Metálicos, EMESA, S.L., e a súa Administración Concursal, e en consecuencia, debo declarar e declaro extinguida a relación laboral que vinculaba a Francisco Enrique González Varela, coa entidade Elaborados Metálicos, EMESA, S.L., no día de hoxe (5 de maio de 2021), condenando a entidade Elaborados Metálicos, EMESA, S.L., ao aboamento ao traballador dunha indemnización a razón de 100.203,48 euros.

Coa intervención procesual do Fondo de Garantía Salarial.

Notifíquese a presente resolución ás partes facéndolles saber o seu dereito para interpoñer contra esta recurso de suplicación ante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco días a partir da súa notificación».

E para que sirva de notificación en legal forma a Soil Recovery, S.L., en ignorado paradoiro, expido o presente para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 7 de maio de 2021

A letrada da Administración de xustiza