Expediente: 385/2018.
Notificación aos interesados.
Destinatarios: Hdros. Dolores Vázquez Flores.
Decreto da Alcaldía.
Iniciado o correspondente expediente de execución da xestión de biomasa e de retirada de especies arbóreas na parcela catastral 55, do polígono 97, do catastro de rústica deste municipio, con referencia 27007A0970005500000GU, por incumprimento das obrigas establecidas na Lei 3/2007, do 9 de abril, de prevención e defensa contra incendios forestais.
Ao considerar que ao non ser posible a práctica da comunicación a que se refire o número 2 do artigo 22 da Lei 3/2007, do 9 de abril, de prevención e defensa contra os incendios forestais de Galicia, ao titular catastral da dita parcela se lle practicou a notificación mediante o anuncio publicado no DOG nº 207, do 14 de outubro de 2020, todo iso de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas.
Ao considerar que no día de hoxe segue a incumprirse esas obrigas legais de xestión da biomasa e de retirada de especies arbóreas.
Ao considerar que o artigo 22.4 da Lei 3/2007, do 9 de abril, de prevención e defensa contra os incendios forestais de Galicia, posibilita a este concello para a execución subsidiaria en caso de incumprimento dos traballos de xestión de biomasa e cuxos custos se repercutirán ás persoas responsables.
Ao considerar que o artigo 22.6 da Lei 3/2007, do 9 de abril, de prevención e defensa conta os incendios forestais de Galicia, establece a obriga das persoas responsables de facilitar os necesarios accesos ás entidades responsables dos traballos de xestión da biomasa, que non requirirán de ningunha autorización para a execución subsidiaria da xestión da biomasa nas redes de faixas de xestión.
Pola presente, de conformidade co establecido no artigo 21 da Lei 7/1985, do 2 de abril, reguladora de bases de réxime local, e artigo 22.4 da Lei 3/2007, do 9 de abril, de prevención e defensa contra incendios forestais, en uso das facultades conferidas pola normativa vixente,
RESOLVO:
Primero. Aprobar a execución subsidiaria por parte deste concello de Begonte da xestión da biomasa e retirada de especies arbóreas da parcela 5, do polígono 97, con referencia catastral 27007A097000550000GU, do catastro de rústica deste municipio, cuxo titular catastral é Hdros. de Dolores Vázquez Flores, por incumprimento das obrigas previstas na Lei 3/2007, do 9 de abril, de prevención e defensa contra incendios forestais.
Segundo. Encomendar os traballos de execución subsidiaria, dada a carencia de medios municipais propios, á empresa Financiera Maderera, S.A., con CIF A15005499, e as persoas responsables deberán facilitar os necesarios accesos e sen que se requira autorización ningunha ao respecto.
Terceiro. A especies arbóreas retiradas serán obxecto do seu comiso e o seu destino será a súa enaxenación nos termos previstos na dita Lei 3/2007, e os importes obtidos pola venda destinaranse a sufragar os gastos derivados desta execución subsidiaria.
Cuarto. Practicar a oportuna liquidación dos custos dos traballos de execución subsidiaria e do valor das especies arbóreas retiradas.
Quinto. Notificar a presente resolución aos interesados, coa indicación dos recursos que legalmente procedan.
O que se notifica en cumprimento do establecido no artigo 40 da Lei 39/2015, do 1 de outubro, do procedemento administrativo común das administracións públicas.
Recursos: contra o presente acordo, que pon fin á vía administrativa, pode interpoñerse alternativamente o recurso de reposición potestativo, no prazo dun (1) mes contado desde o seguinte ao da recepción desta notificación, ante o mesmo órgano que adoptou o acordo, ou directamente o recurso contencioso-administrativo ante o Xulgado do Contencioso-Administrativo de Lugo, no prazo de dous (2) meses contado desde o seguinte ao da recepción desta notificación, sen que se poida simultanear ambos os dous.
Se interpoñen o recurso de reposición potestativo, non poderán interpoñer o recurso contencioso-administrativo ata a súa resolución expresa ou ata a súa desestimación por silencio, de conformidade co previsto nos arts. 123 e 124 da Lei 39/2015, do 1 de outubro, do procedemento administrativo común das administracións públicas.
Begonte, 26 de abril de 2021
José Ulla Rocha
Alcalde presidente