Tipo e número de recurso: RSU. Recurso de suplicación 3719/2020-ALV
Xulgado de orixe/autos: SS. Seguridade Social 433/2018. Xulgado do Social número 2 de Lugo
Recorrente: Miguel Ángel Osorio Méndez
Avogado: Cándido José Álvarez Flores
Procurador: José Ángel Pardo Paz
Recorridos: Instituto Nacional da Seguridade Social, Tesouraría Xeral da Seguridade Social, Ibermutua Mutua Colaboradora con la Seguridad Social nº 274 (Fusión Mutua Gallega Ibermutuamur), C.R.E. Auditores Consultores de Eficiencia Energética, S.L.
Avogado/a: letrado/a da Seguridade Social, Edgar Vicente Prado Fonte
Eu, María Isabel Freire Corzo, letrada da Administración de xustiza desta Sala do Social do Tribunal Superior de Xustiza da Coruña, fago saber que no procedemento de recurso de suplicación 3719/2020 desta sección, seguido por instancia de Miguel Ángel Osorio Méndez contra Ibermutua Mutua Colaboradora coa Seguridad Social nº 274 (Fusión Mutua Gallega Ibermutuamur), Instituto Nacional da Seguridade Social, Tesouraría Xeral da Seguridade Social e C.R.E. Auditores Consultores de Eficiencia Energética, S.L., sobre accidente de grao, se ditou a Resolución do 9 de abril de 2021 cuxa parte dispositiva é a seguinte:
«Resolvemos que, desestimando o recurso de suplicación interposto polo procurador José Ángel Pardo Paz, en nome e representación de Miguel Ángel Osorio Méndez, representado pola súa vez pola súa titora Ana María López López e actuando baixo a dirección letrada do Sr. Álvarez Flores, contra a Sentenza do 29 de abril de 2020, posteriormente aclarada mediante Auto do 4 de xuño de 2020, ambos ditados polo Xulgado do Social número 2 de Lugo en autos 433/2018, seguidos por instancia da parte recorrente contra o Instituto Nacional da Seguridade Social, a Tesouraría Xeral da Seguridade Social, a Mutua Ibermutua e a empresa C.R.E. Auditores Consultores de Eficiencia Energética, S.L., sobre invalidez derivada de accidente de traballo, debemos confirmar e confirmamos na súa integridade a resolución impugnada. Sen custas.
Notifíqueselles esta resolución ás partes e ao Ministerio Fiscal.
Modo de impugnación. Fáiselles saber ás partes que contra esta sentenza cabe interpor recurso de casación para unificación de doutrina que se deberá preparar mediante escrito presentado ante esta sala dentro do improrrogable prazo de dez días hábiles inmediatos seguintes ao da data de notificación da sentenza. Se o recorrente non ten a condición de traballador ou beneficiario do réxime público da Seguridade Social, deberá efectuar:
– O depósito de 600 € na conta de 16 díxitos desta sala, aberta no Banco de Santander (Banesto) co número 1552 0000 37, seguida de catro díxitos correspondentes ao número do recurso e dous díxitos do ano deste.
– Así mesmo, se hai cantidade de condena deberá consignala na mesma conta, pero co código 80 no canto do 37, ou ben presentar aval bancario solidario en forma.
– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo Observacións ou Concepto da transferencia os 16 díxitos que corresponden ao procedemento (1552 0000 80 ou 37 **** ++).
Unha vez que sexa firme, expídase certificación para constancia na peza que se arquivará neste tribunal e incorpórese o orixinal ao correspondente libro de sentenzas, logo de devolución dos autos ao xulgado do social de procedencia.
Así o pronunciamos, mandamos e asinamos por esta nosa sentenza».
Para que sirva de notificación en legal forma a C.R.E. Auditores Consultores de Eficiencia Energética, S.L., en ignorado paradoiro, expido este edicto para a súa inserción no Diario Oficial de Galicia.
Advírteselle á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que sexan auto ou sentenza, ou cando se trate de emprazamento.
A Coruña, 19 de abril de 2021
A letrada da Administración de xustiza
