Visto o expediente para outorgamento da autorización administrativa previa e da autorización administrativa de construción das instalacións eléctricas que a seguir se describen, tal e como se recollen no proxecto asinado en Ourense polo enxeñeiro industrial David Núñez Fernández, colexiado nº 1534 do ICOIIG, o día 16.12.2020, quen acredita a súa habilitación e competencia mediante declaración responsable asinada na citada data.

Solicitante: UFD Distribución Electricidad, S.A.; CIF: A63222533.

Enderezo: A Batundeira, nº 2, Velle, 32960 Ourense.

Denominación: LMTS, CS polígono 202, parcela 10071, San Pedro de Maus.

Situación: concello de Vilar de Barrio (Ourense).

Orzamento: 30.857,38 €.

Características técnicas:

LMTS, a 20 kV, con E/S en CS proxectado, de 14 m de lonxitude, en condutor de tipo RHZ1 2OL-12/20 kV 3 (1×240) mm² Al, con orixe no punto de acceso entre apoios nº 51 e nº 52 da LMT SRS805 Vilar de Barrio (expediente 98/113 AT) e final no CS proxectado entre CCTT de distribución 32A599 e 32AW51.

Centro de seccionamento (CS), en local de tipo prefabricado 3L+2 telecontroladas GSM/GPRS/FO C/Trafo, tensión 20 kV, manobra exterior e cela de servizos auxiliares, con situación na parcela 10071, polígono 202, San Pedro de Maus, Vilar de Barrio, para dar servizo a ADIF-AVE.

Cumpridos os trámites ordenados na Lei 24/2013, do 26 de decembro, do sector eléctrico, e no capítulo II, título VII, do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Resolución da Consellería de Economía e Industria, do 19 de febreiro de 2014, pola que se aproba o procedemento de autorización administrativa de construción (DOG núm. 54, do 19 de marzo), así como na Lei 5/2017, do 19 de outubro, de fomento da implantación de iniciativas empresariais en Galicia (DOG núm. 203, do 25 de outubro), esta xefatura territorial resolve:

Conceder a autorización administrativa previa e a autorización administrativa de construción ás devanditas instalacións, cuxas características se axustarán en todas as súas partes ao proxecto arriba sinalado e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten de aplicación e en especial as relativas á ordenación do territorio e ao ambiente.

O prazo de posta en marcha das instalacións que se autorizan será de seis meses, contados a partir da data da última autorización administrativa necesaria para a súa execución.

Contra a presente resolución poderase interpoñer recurso de alzada ante o vicepresidente segundo e conselleiro de Economía, Empresa e Innovación no prazo dun mes contado a partir do día seguinte ao da notificación ou publicación desta resolución; tamén se poderá interpoñer calquera outro recurso que se considere pertinente.

Ourense, 5 de abril de 2021

Pablo Fernández Vila
Xefe territorial de Ourense