Demandante: Manuel Martín Noceda Fernández, Comisiones Obreras (CC.OO.)
Avogados: María Catálfamo, Felipe Carlos Martínez Ramonde
Demandados: Arriva Galicia, S.L., Primitivo García Mariñas, Comité Provincial de Empresa da Coruña de Arriva Galicia, S.L. e outros
Eu, Carmen Iglesias Fungueiro, letrada da Administración de xustiza da Sala do Social do Tribunal Superior de Xustiza de Galicia, fago saber que no procedemento de dereitos fundamentais 32/2020-RCO9/21-S deste tribunal, seguido por instancia de Manuel Martín Noceda Fernández, Comisiones Obreras (CC.OO.) contra Arriva Galicia, S.L., o Comité Provincial de Empresa da Coruña de Arriva Galicia, S.L., Segundo Corredoira Millares u Otros, sobre dereitos fundamentais, se ditou sentenza cuxa parte dispositiva é do seguinte teor literal:
«Decidimos
Que desestimando as excepcións formuladas de falta de lexitimación activa de CC.OO., de falta de lexitimación pasiva de Arriva Galicia, S.L. e de inadecuación de procedemento, e estimando en parte a demanda formulada por Manuel Martín Noceda Fernández e o sindicato nacional Comisiones Obreras de Galicia, declaramos a nulidade radical da convocatoria da asemblea revogatoria do 27 de novembro de 2019, así como do acordo revogatorio de toda a candidatura de CC.OO. que se estimou como resultante na acta do 28 de novembro de 2019 por ser lesiva do dereito á liberdade sindical dos demandantes, e condenamos os membros do Comité de Empresa Provincial da Coruña (Ángel Maceiras Maceiras, José Luis López Ferreiro, Celestino Rivas Prieto, Jesús Rodríguez Iglesias, Juan Carlos Ramos Otero, José Andrés Méndez Rodeiro, Gerardo Corredoira Millares e Miguel Ángel Reboiras Casais) a comunicarlle á Oficina Pública de Rexistro esta resolución, á reposición inmediata do demandante sr. Noceda na súa condición de membro do Comité de Empresa, así como a indemnizar solidariamente polos danos morais causados en contía de 2.000 € a Manuel Martín Noceda Fernández e en 1.500 € ao Sindicato Nacional Comisiones Obreras de Galicia; absólvese o resto dos demandados.
Notifíqueselles a presente sentenza ás partes.
Modo de impugnación: advírteselles ás partes que contra a presente resolución poderán interpor recurso de casación ante o Tribunal Supremo, que deberá ser anunciado por comparecencia ou mediante escrito na oficina xudicial dentro dos cinco días seguintes á notificación desta sentenza, ou por simple manifestación no momento en que se lle practique a notificación. Se o recorrente non tivese a condición de traballador ou beneficiario do réxime público da Seguridade Social deberá efectuar:
– O depósito de 600 € na conta de 16 díxitos desta sala, aberta no Banco de Santander (Banesto) co número 1552 0000 37, seguido de catro díxitos correspondentes ao número do recurso e dous díxitos do ano deste.
– Así mesmo, se hai cantidade de condena, deberá consignala na mesma conta, pero co código 80 en vez do 35 ou ben presentar aval bancario solidario en forma.
– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións ou concepto da transferencia” os 16 díxitos que corresponden ao procedemento (1552 0000 80 ou 35 **** ++).
Así, por esta a nosa sentenza, pronunciámolo, mandámolo e asinámolo».
E as dilixencias de ordenación que son do seguinte particular:
«Dilixencia de ordenación da letrada da Administración de xustiza María Isabel Freire Corzo.
A Coruña, catro de febreiro de dous mil vinte e un.
O anterior escrito presentado polo letrado Héctor López de Castro Ruiz, na representación que posúe, únase aos autos da súa razón, e a copia á/ás contraparte/s. Tense por formalizado o recurso de casación e fórmese peza separada que se encabezará con testemuño da sentenza desta sala. Déase traslado deste ás demais partes para impugnación no prazo común de dez días, facéndolles saber que os autos se encontran á súa disposición na oficina xudicial para a súa entrega ou exame se o consideran necesario.
Advírteselle á parte contra a cal se recorre que o escrito de impugnación deberá estar subscrito por letrado, que desde ese momento asumirá a representación, salvo indicación en contra, que deberá presentar copias para as partes e designar domicilio para notificacións na sede do Tribunal Supremo.
Elévense os autos ao Tribunal Supremo unha vez transcorrido o prazo de impugnación e, de ser o caso, de alegacións a aquela.
Notifíqueselles ás partes, facéndolles saber que contra a presente resolución non cabe recurso ningún».
«Dilixencia de ordenación da letrada da Administración de xustiza Carmen Iglesias Fungueiro.
A Coruña, cinco de marzo de dous mil vinte e un.
Os anteriores escritos de impugnación presentados polos letrados Francisco José Castiñeira Martínez, en representación de Arriva Galicia, S.L. e María Catálfamo, en representación de Manuel Martín Noceda Fernández e do Sindicato Nacional de Comisiones Obreras de Galicia (ao cal se xuntan copias para traslado ás partes), únanse aos autos da súa razón, e as copias ás demais partes ás cales se lles fará saber que, se é o caso, poderán presentar alegacións dentro dos cinco días seguintes, de conformidade co disposto no artigo 211.3 da LRXS, sen prexuízo das notificacións acordadas por dilixencia de ordenación do día da data. Unha vez efectuado, elévense as actuacións ao Tribunal Supremo».
E para que lle sirva de notificación en legal forma a Francisco Javier Allegue Simón, en ignorado paradoiro, expido o presente para a súa inserción no Diario Oficial de Galicia.
Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.
A Coruña, 5 de marzo de 2021
A letrada da Administración de xustiza
