Isabel Rodríguez Vázquez, letrada da Administración de xustiza do Xulgado de Primeira Instancia e Instrución número 2 de Vilagarcía de Arousa, certifica que no procedemento de referencia se ditou a sentenza cuxo encabezamento e resolución son do teor literal seguinte:

«Sentenza:

Vilagarcía de Arousa, 9 de marzo de 2020

Vistos por min, Mario S. Martínez Álvarez, xuíz titular do Xulgado de Primeira Instancia e Instrución número 2 de Vilagarcía de Arousa, os presentes autos do xuízo verbal de desafiuzamento por precario número 298/2018, no cal é parte demandante a entidade Buildincenter, S.A.U., representada pola procuradora dos tribunais Sofía Doldán de Cáceres e asistida pola letrada María Jesús Herrero Gómez, e como parte demandada os ignorados ocupantes do terreo sito na rúa Manuel Antonio número 9, P.CIN, U13, de Vilagarcía de Arousa (Pontevedra), en situación de rebeldía procesual.

Resolvo:

Que debo admitir e admito integramente a demanda interposta pola procuradora dos tribunais Sofía Doldán de Cáceres, en nome e representación da entidade Buildincenter, S.A.U., contra os ignorados ocupantes da vivenda sita na rúa Manuel Antonio núm. 9, P.CIN, U13, de Vilagarcía de Arousa (Pontevedra) e, en consecuencia, declaro proceder ao desafiuzamento por precario dos ignorados ocupantes do terreo sito na rúa Manuel Antonio núm. 9, P.CIN, U13, de Vilagarcía de Arousa (Pontevedra), que deben deixar libre, vacua e á disposición da demandante, apercibíndoos de que se non a desaloxan dentro do prazo legal, se procederá ao lanzamento.

Imponse á parte demandada o pagamento das custas procesuais causadas.

Notifíqueselles esta resolución ás partes. Contra a presente resolución cabe interpor recurso de apelación ante este xulgado no prazo de vinte días desde a súa notificación, que resolverá a Audiencia Provincial de Pontevedra. Nos procesos que comporten o lanzamento non se lle admitirán ao demandado os recursos de apelación, extraordinario por infracción procesual ou casación se, ao preparalos, non manifesta, acreditándoo por escrito, ter satisfeitas as rendas vencidas e as que conforme o contrato deba pagar adiantadas (art. 449 da LAC). Lévese o orixinal ao libro de sentenzas.

Así, por esta miña sentenza, da cal se expedirá testemuño para a súa unión aos autos, pronúncioa, mándoa e asínoa».

E como consecuencia do paradoiro ignorado de ocupantes ignorados do terreo sito na rúa Manuel Antonio núm. 9. P.CIN, U13, de Vilagarcía de Arousa (Pontevedra), expídese o presente edicto para que sirva de cédula de notificación.

Vilagarcía de Arousa, 23 de marzo de 2020

A letrada da Administración de xustiza