O Pleno da Corporación, na sesión extraordinaria que tivo lugar o día 28 de decembro de 2020, adoptou, entre outros, o seguinte acordo:

Aprobar definitivamente o Plan especial de reforma interior (PERI) para vivendas de promoción pública no concello de Oímbra.

O acordo de aprobación definitiva publicarase no Diario Oficial de Galicia. Unha vez publicado, remitirase á Consellería de Medio Ambiente, Territorio e Vivenda a documentación exixida polo artigo 88.3 da LSG, para os efectos de inscribir o Plan especial de reforma interior (PERI) para vivendas de promoción pública no concello de Oímbra no Rexistro de Planeamento Urbanístico de Galicia.

Unha vez inscrito no rexistro, publicarase a normativa no Boletín Oficial da provincia.

O contido íntegro do dito plan queda ao dispor do público na sede electrónica do Concello de Oímbra: http://oimbra.sedelectronica.gal.

Contra o acordo de aprobación definitiva do citado plan especial poderase interpor directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ao da publicación deste anuncio.

Oímbra, 12 de xaneiro de 2020

Ana Mª Villarino Pardo
Alcaldesa