No Xulgado do Contencioso-Administrativo número 1 de Vigo tramítase o recurso 354/2020 (procedemento abreviado), de María del Carmen Vázquez Fragueiro, interposto contra a Resolución do 24 de agosto de 2020, da Dirección Xeral de Recursos Humanos, relativa á publicación das puntuacións definitivas e á finalización da fase de oposición do proceso selectivo para o ingreso na categoría de persoal de servizos xerais, polos sistemas de acceso libre, promoción interna e discapacidade xeral (DOG núm. 182, do 8 de setembro), convocado mediante a Resolución do 1 de marzo de 2019 (DOG núm. 47, do 7 de marzo).

Impúgnanse as seguintes preguntas: 20, 25, 30, 34, 57, 68, 73, 80, 81, 85, 87, 89, 95, 99 e 103.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte no citado xulgado, no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 5 de xaneiro de 2021

Ana Mª Comesaña Álvarez
Directora xeral de Recursos Humanos