De conformidade co disposto no artigo 22.3 da Lei 3/2007, do 9 de abril, de prevención e defensa contra os incendios forestais de Galicia (LPDCIF), en relación co artigo 44 da Lei 39/2015, do 1 de outubro, do procedemento administrativo común das administracións públicas, e debido a que os titulares dos inmobles que se relacionan a seguir son descoñecidos e resulta imposible a súa notificación ou ben non puideron ser notificados por causas non imputables ao Concello de Ordes, notifícase ás persoas responsables a súa obriga legal de xestión da biomasa e retirada de especies arbóreas prohibidas nas parcelas que se describen, imposta pola LPDCIF na letra e) do artigo 7 e no artigo 22.1, no prazo de quince (15) días, que comezarán a contarse desde o día seguinte ao da publicación do presente edicto no Boletín Oficial del Estado.

Así mesmo, ponse en coñecemento das persoas responsables que o contido íntegro das citadas notificacións, así como da totalidade do expediente administrativo, está ao dispor dos interesados nas oficinas municipais do Concello de Ordes, situadas na rúa Alfonso Senra, nº 108, das 9.00 ás 14.00 horas, os días laborables, de luns a venres.

Ordes, 18 de decembro de 2020

José Luis Martínez Sanjurjo
Alcalde