Eu, Rosana Corral García, letrada da Administración de xustiza do Xulgado do Social número 4 da Coruña, dou fe e certifico que neste xulgado se seguen autos número 191/2020 por instancia de Jorge Pazos Porto contra Feca Neon Reformas y Servicios, S.L., sobre DSP, nos cales se ditou Sentenza en data 5 de outubro de 2020, que copiada nos particulares necesarios di así:
Decisión estímase a demanda formulada por Jorge Pazos Porto fronte á empresa Feca Neon Reformas y Servicios, S.L. e, en consecuencia:
– Declárase extinguida, con data da presente resolución, a relación laboral que une o demandante coa empresa Feca Neon Reformas y Servicios, S.L.
– Condénase a empresa Feca Neon Reformas y Servicios, S.L. a aboarlle ao demandante as seguintes cantidades:
• Cincuenta e cinco mil setecentos seis euros con corenta céntimos de euro (55.706,40 euros) en concepto de indemnización.
• Trece mil catrocentos seis euros cun céntimo de euro (13.406,01 euros) en concepto de cantidades pendentes de pagamento, as cales devindicarán o xuro moratorio do 10 %.
Acórdase o mantemento das medidas preventivas ata, se é o caso, a firmeza da presente resolución.
Notifíqueselles a presente resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución, e abondará a manifestación da parte ou do seu avogado ou graduado social colexiado, ou representante, dentro do indicado prazo.
Se o recorrente non goza do beneficio de xustiza gratuíta deberá, ao tempo de anunciar o recurso, ter consignado a cantidade obxecto de condena, así como o depósito de 300 euros, na conta de depósitos e consignacións que ten aberta este xulgado, facendo constar no ingreso o número de procedemento.
Así o acorda, manda e asina Nicolás E. Pita Lloveres, maxistrado do Xulgado do Social número 4 da Coruña.
E para que conste, para os efectos da súa publicación no Diario Oficial de Galicia co fin de que lle sirva de notificación en forma á empresa Feca Neon Reformas y Servicios, S.L., expido e asino a presente.
A Coruña, 24 de novembro de 2020
A letrada da Adminsitración de xustiza
