Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento ordinario 763/2017 deste xulgado do social, seguido por instancia de Horacio Montero Morales contra Juan Carlos Suárez Martínez sobre ordinario, se ditou resolución cuxa parte dispositiva di:

«Que estimando integramente a demanda interposta por Horacio Montero Morales contra Juan Carlos Suárez Martínez e o Fondo de Garantía Salarial, debo condenar e condeno a mercantil demandada a aboarlle ao demandante a suma de 5.280,68 euros brutos polos conceptos sinalados no feito probado cuarto desta resolución, máis os intereses previstos no artigo 29.3 do ET desde a data de presentación da papeleta de conciliación ata a presente resolución e os do 576 da LAC a partir da presente resolución, sobre os conceptos salariais (que suman 4.354,13 euros brutos), e os intereses previstos no artigo 1108 do Código civil desde a data de presentación da papeleta de conciliación ata a presente resolución e os do artigo 576 da LEC a partir da presente resolución, sobre os conceptos indemnizatorios (que suman 926,55 euros brutos).

No que atinxe á responsabilidade do Fogasa non procede a súa condena nesta instancia, debendo observarse o que resulte do artigo 33 do ET.

Notifíquese ás partes e ao Fogasa a presente resolución facéndoos saber que fronte a esta cabe recurso de suplicación para ante a Sala do Social do Tribunal Superior de Xustiza de Galicia, no prazo de cinco días contados desde o seguinte o da súa notificación.

Notifíquese ás partes, e fágaselles saber que en aplicación do mandato contido no artigo 53.2 da LXS, no primeiro escrito ou comparecencia ante o órgano xudicial, as partes ou interesados, e no seu caso os profesionais designados, sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin producirán plenos efectos e as notificacións neles intentadas sen efecto serán válidas mentres non sexan facilitados outros datos alternativos, e será carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou similares, sempre que estes últimos estean a ser utilizados como instrumentos de comunicación co tribunal.

A anterior resolución entregaráselle á letrada da Administración de xustiza para a súa custodia e incorporación ao libro de sentenzas. Insírase nas actuacións por medio de testemuño.

Por esta a miña sentenza, xulgando definitivamente na primeira instancia, pronúncioo, mándoo e asínoo».

E para que sirva de notificación en legal forma a Juan Carlos Suárez Martínez, en ignorado paradoiro, expido o presente para a súa inserción no Diario Oficial de Galicia e no taboleiro de anuncios.

Santiago de Compostela, 19 de novembro de 2020

A letrada da Administración de xustiza