Eu, M. Asunción Barrio Calle, letrada da Administración de xustiza da Sala Segunda do Social do Tribunal Superior de Xustiza de Galicia, fago saber que no procedemento de recurso de suplicación 1482/2020 desta sección, seguido por instancia de José Luis González Rodríguez contra o Instituto Nacional da Seguridade Social, a Tesouraría Xeral da Seguridade Social, o Fogasa, Graniblok, S.A.; David Fernández Grande, S.L.; Armadilla, S.L.; Marcelino Martínez Galicia, S.L.; Juana de Santiago Guerreiro, Granitos Vilafría Couto, S.A.; Granitos Martínez, S.A.; Hispano Suiza de Perfilados, S.A.; Antonio Rodríguez Rodríguez, José Ramón Pereira Oliveira e José López Gutiérrez, sobre recarga de accidente, se ditou a seguinte resolución:

«Resolvemos:

Que, aceptando o recurso de suplicación interposto pola representación procesual do demandante, contra a Sentenza do 30 de agosto de 2019, ditada polo Xulgado do Social número 3 de Vigo, nos autos 880/2016, revogamos a sentenza contra a que se recorreu. E coa aceptación en parte da demanda reitora, declaramos a existencia de responsabilidade empresarial por falta de medidas de seguridade e saúde, derivadas da enfermidade profesional do traballador demandante, e declaramos, en consecuencia, a procedencia da recarga das prestacións. Por tanto, condenamos as empresas codemandadas José Ramón Pereira Oliveira, José López Gutiérrez, Marcelino Martínez Galicia, S.L.; Granitos Vilafría Couto, S.A.; Graniblok, S.A.; Armadilla, S.L.; Hispana Suiza de Perfilados, S.A.; Granitos Martínez, S.A. e Juana de Santiago Guerreiro ao aboamento da recarga de prestacións, en contía do 30 %, sobre as prestacións do demandante, cantidade da cal deberán de responder mancomunadamente as codemandadas, en proporción ao tempo de permanencia do traballador en cada unha das devanditas empresas. E absolvemos a empresa codemandada Antonio Rodríguez Rodríguez e confirmamos igualmente o pronunciamento que contén a resolución contra a que se recorreu de absolución da empresa David Fernández Grande.

Incorpórese o orixinal desta sentenza, pola súa orde, ao libro de sentenzas deste TSX de Galicia, Sala do Social».

E para que sirva de notificación en forma legal a Granitos Vilafría Couto, S.A.; Pereira Oliveira José Ramón e José López Gutiérrez, en paradoiro ignorado, expido o presente edicto para a súa inserción no Diario Oficial de Galicia.

Advírtese aos destinatarios de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 13 de novembro de 2020

A letrada da Administración de xustiza