No procedemento de referencia dictouse a resolución do teor literal seguinte:
«Xulgado de Primeira Instancia e Instrución número 2 de Carballo.
Sentenza 104/2018.
Xuíz que a dita: Jorge Hernández García.
Lugar: Carballo.
Data: 25 de outubro de 2018.
Parte solicitante: Vanesa María Rodríguez Vilas.
Avogado: Ana María Recarey Cristóbal.
Procurador: José Luis Chouciño Mourón.
Parte demandada: Antonio García Caamaño.
Número de procedemento: faml. gard., custdo. alim. fill. menor non matri. no c 13/2017.
Resolvo:
Que debo estimar e estimo parcialmente a demanda presentada polo procurador José Luis Chouciño Mourón, en nome e representación de Vanesa María Rodríguez Vilas, e debo acordar e acordo as seguintes medidas:
– Antonio García Caamaño deberá aboar unha cantidade de 150 euros para satisfacer as necesidades da súa filla, que se fará efectiva dentro dos cinco primeiros de cada mes na conta bancaria que sinale Vanesa María Rodríguez Vilas. Esta cantidade será revisada anualmente conforme o índice de prezos do consumo, tomando como base de revisión a cantidade que se estivese a pagar no momento de efectualas. A devandita cantidade comeza o seu cómputo desde a data de xaneiro de 2017 (debe pagarse este mes incluído).
Prevense o obrigado que incumprir tal pagamento pode xerar responsabilidades penais.
– Os gastos extraordinarios, cuxo importe e devindicación en todo caso haberá de ser xustificada, rexeranse polas seguintes regras:
1. Os que teñan unha orixe médica ou farmacéutica e os que, tendo carácter lúdico ou académico, fosen acordados por ambos os dous proxenitores ou, na súa falta, fosen acordados xudicialmente, serán aboados por ambos os dous proxenitores por metades.
2. Os que teñan orixe lúdica ou académica e non conten para a súa realización co acordo de ambos os dous proxenitores ou coa autorización xudicial supletoria serán aboados por aquel que determine a súa realización.
Considéranse gastos extraordinarios os gastos médicos non cubertos pola Seguridade Social ou seguros dos pais, os relativos a matrículas universitarias ou a ciclos formativos, os relativos a alugueres derivados de vivenda necesaria para os estudos, as actividades extraescolares derivadas de necesidades universitarias ou dos ciclos formativos, os gastos de dentistas ou oftalmolóxicos, lentes, lentes de contacto (non cubertos pola Seguridade Social ou seguros dos pais). Non se consideran gastos extraordinarios os libros de texto.
Prevense o obrigado que incumprir tal pagamento pode xerar responsabilidades penais.
Non se fai imposición de custas a ningunha das partes.
Modo de impugnación: recurso de apelación, que se interporá ante o tribunal que ditase a resolución que se impugne dentro do prazo de vinte días contados desde o día seguinte ao da notificación daquela.
O dito recurso carecerá de efectos suspensivos, sen que en ningún caso proceda actuar en sentido contrario ao resolto (artigo 456.2 da LAC).
Conforme a disposición adicional décimo quinta da LOPX, para a admisión do recurso deberase acreditar ter constituído, na conta de depósitos e consignacións deste órgano, un depósito de 50 euros, salvo que o recorrente sexa beneficiario de xustiza gratuíta, o Ministerio Fiscal, o Estado, Comunidade Autónoma, entidade local ou organismo autónomo dependente.
O depósito deberá constituílo ingresando a citada cantidade na conta deste expediente, consignando no campo “concepto” a indicación “Recurso” seguida do código “02 Civil-Apelación”. Se o ingreso se fai mediante transferencia bancaria deberá incluír, tras a conta referida, separados por un espazo, a indicación “recurso” seguida do código “02 Civil-Apelación”.
No caso de que deba realizar outros pagamentos na mesma conta, deberá verificar un ingreso por cada concepto, mesmo se obedecen a outros recursos da mesma ou distinta clase indicando, neste caso, no campo observacións a data da resolución impugnada co formato dd/mm/aaaa.
Así, por esta miña sentenza, pronúncioo, mándoo e asínoo».
E como consecuencia do ignorado paradoiro de Antonio García Caamaño, esténdese a presente cédula para que sirva de cédula de notificación.
Carballo, 6 de febreiro de 2020
O/a letrado/a da Administración de xustiza
