Eu, Marina Pilar García de Evan, letrada da Administración de xustiza do Xulgado do Social número 1 de Santiago de Compostela, fago saber que no procedemento de salarios tram. cargo estado 0000210/2020 deste xulgado do social, seguido por instancia de Raquel Lojo Prol contra a Avogacía do Estado, Cervecom Cervecería Santiago, S.L. sobre salarios tram.cargo.estado, foi ditada a Sentenza no 28 de agosto de 2020 cuxa parte dispositiva é a que segue:
«Decido.
Que, estimando integramente a demanda interposta por Raquel Lojo Prol contra Ministerio de Xustiza-Dirección Xeral para o Servizo Público de Xustiza-Delegación do Goberno en Galicia-Subdelegación do Goberno na Coruña-Avogacía do Estado e contra Cervecom Cervecería Santiago, S.L., debo declarar e declaro o dereito da demandante a que a Administración demandada lle aboe polo concepto de salarios de tramitación a cargo do Estado a cantidade de 7.909,90 euros e, en consecuencia, condeno a Administración demandada a aboar á demandante a referida cantidade, máis os xuros legais do artigo 24 da Lei xeral orzamentaria desde a data de presentación da demanda ata a presente sentenza, e os xuros do artigo 576 da LAC a partir da sentenza; e condeno a codemandada Cervecom Cervecería Santiago, S.L. a pasar pola anterior declaración.
Notifíquese ás partes a presente resolución facéndolles saber que contra ela cabe recurso de suplicación para ante a Sala do Social do Tribunal Superior de Xustiza de Galicia, no prazo de cinco (5) días desde o seguinte ao da súa notificación».
E para que sirva de notificación en legal forma a Cervecom Cervecería Santiago, S.L., en ignorado paradoiro, expido este edicto para a súa inserción en DOG e no taboleiro de anuncios deste xulgado.
Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.
Santiago de Compostela, 25 de agosto de 2020
A letrada da Administración de xustiza
