Eu, María Iria Román Vidarte, letrada da Administración de xustiza do Xulgado do Social número 3 de Santiago de Compostela, fago saber que no procedemento de execución parcial 183/2019 deste xulgado do social, seguido por instancia de María Dolores Blanco Lousame contra Innovis Laboratorios, S.L., Novocat Farma, S.A., Adriana Leonor Rizzo Tamaro e Innovis Farma, S.L., sobre despedimento, ditouse a seguinte resolución:
«Antecedentes de feito
Primeiro. Con data do 9.10.2019 tivo entrada neste órgano xudicial demanda presentada por María Dolores Blanco Lousame fronte a Innovis Laboratorios, S.L., Novocat Farma, S.A., Adriana Leonor Rizzo Tamaro, Innovis Farma, S.L., que foi rexistrada baixo o número de execución parcial 183/2019.
Segundo. Que a parte executante, María Dolores Blanco Lousame, manifestou desistir da presente execución e, en consecuencia, solicita o arquivo desta.
Fundamento de dereito único. De conformidade co artigo 22 da LAC, cando, por circunstancias sobrevidas á demanda, deixar de haber interese lexítimo en obter a tutela xudicial pretendida, porque se satisfixesen, fóra do proceso, as pretensións da demandante ou por calquera outra causa, poñerase de manifesto esta circunstancia e, se houber acordo das partes, o letrado da Administración de xustiza decretará a terminación do proceso.
Vistos os preceptos legais citados e demais de xeral e pertinente aplicación.
Parte dispositiva
Acordo o arquivamento deste procedemento logo da baixa no libro correspondente.
Notifíquese ás partes, facéndolles saber que, en aplicación do mandato contido no artigo 53.2 da LXS, no primeiro escrito ou comparecencia ante o órgano xudicial, as partes ou interesados e, se é o caso, os profesionais designados sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin, producirán plenos efectos e as notificacións neles intentadas sen efecto serán válidas mentres non sexan facilitados outros datos alternativos, sendo carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou similares, sempre que estes últimos estean a ser utilizados como instrumentos de comunicación co tribunal.
Contra a presente resolución cabe recurso directo de revisión que deberá interpoñerse ante o presente órgano xudicial no prazo de tres días hábiles. Se o recorrente non tiver a condición de traballador ou beneficiario do réxime público da Seguridade Social deberá consignar a cantidade de 25 euros, en concepto de depósito para recorrer, na conta de consignacións deste Xulgado do Social número 3 aberta en Banco Santander, conta número 5076 0000 64 0183 19. Se o ingreso se fai mediante transferencia bancaria deberá ingresarse na conta número 000493569920005001274, e no campo “concepto” deberá indicar o número de conta 5076 0000 64 0183 19. Se efectuar diversos pagamentos na mesma conta deberá especificar un ingreso por cada concepto, mesmo se obedecen a outros recursos da mesma ou distinta clase, e indicar no campo de observacións a data da resolución impugnada utilizando o formato dd/mm/aaaa. Quedan exentos do seu aboamento, en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.
Así o acordo e asino. Dou fe.
A letrada da Administración de xustiza».
Advírtese ás destinatarias que as seguintes comunicacións se farán fixando copia da resolución ou da cédula no taboleiro de anuncios da oficina xudicial.
E para que sirva de notificación a Innovis Laboratorios, S.L. e Innovis Farma, S.L., expido o presente.
Santiago de Compostela, 25 de agosto de 2020
A letrada da Administración de xustiza
