Eu, María Blanco Aquino, letrada da Administración de xustiza do Xulgado do Social número 2 da Coruña, fago saber que no procedemento de despedimento/cesamentos en xeral 443/19 deste xulgado do social, seguidos por instancia de Alicia Pacheco García, sobre despedimento, se ditou sentenza cuxa parte dispositiva é a seguinte:

«Decido.

Que desestimando a demanda interposta por Alicia Pacheco García contra as empresas Soprohos Coruña, S.L., Playa Club Corporación Financiera, S.L., Producciones Audiovisuales 15004, S.L.U. e o Fondo de Garantía Salarial, debo absolver e absolvo as partes demandadas de todos os pedimentos desta. Todo iso con intervención do Ministerio Fiscal.

Notifíquese esta resolución ás partes facéndolles saber que esta non é firme e fronte a ela cabe formular recurso de suplicación ante o Tribunal Superior de Xustiza, que deberá ser anunciado por comparecencia, ou mediante escrito presentado na oficina xudicial dentro dos cinco días seguintes ao da notificación desta sentenza, ou por simple manifestación no momento en que se lle practique a notificación.

Advírtase igualmente ao recorrente que non fose traballador ou beneficiario do réxime público da Seguridade Social, ou habentes causa seus, ou non teña recoñecido o beneficio de xustiza gratuíta, que deberá depositar a cantidade de 300 euros na conta aberta no Banco Santander a nome desta oficina xudicial.

En todo caso, o recorrente deberá designar letrado ou graduado social para a tramitación do recurso, ao momento de anuncialo.

Así, por esta sentenza, o pronuncio, o mando e o asino».

E para que sirva de notificación en legal forma a Playa Club Corporación Financiera, S.L., en ignorado paradoiro, expido o presente edicto para a súa inserción no Diario Oficial de Galicia.

A Coruña, 31 de xullo de 2020

A letrada da Administración de xustiza