Eu, Matías Recio Juárez, secretario xudicial do Xulgado de Primeira Instancia e Instrución número 2 da Estrada, fago saber que no presente procedemento, seguido por instancia de Santander Consumer fronte a Javier Castelao Costa, se ditou sentenza en data 2 de abril de 2014, que se transcribe na súa parte necesaria e é do teor literal o seguinte:
«Encabezamento:
Sentenza.
Xuíz que a dita: Elena Calleja Curros
Lugar: A Estrada
Data: 2 de abril de 2014
Demandante: Santander Consumer Establecimiento Financiero de Crédito, S.A.
Avogado: Luis Sangiao García
Procurador: Francisco Javier Fernández Somoza
Demandado: Javier Castelao Costa, en situación de rebeldía procesual
Obxecto: reclamación de cantidade derivada de responsabilidade contractual
Resolución.
Estimo integramente a demanda formulada pola representación de Santander Consumer Establecimiento Financiero de Crédito, S.A. fronte a Javier Castelao Costa e, en consecuencia, condénoo a aboar á demandante a cantidade de 6.506,59 euros máis os xuros procesuais desde a notificación da sentenza (ex artigo 576 da LAC).
Todo iso sen expresa imposición das custas procesuais.
Notifíquese esta resolución ás partes comparecidas en legal forma.
Contra esta resolución cabe interpoñer recurso de apelación ante este xulgado no prazo de 20 días a partir do seguinte ao da súa notificación, logo de consignación de depósito de 50 euros, conforme o establecido na disposición adicional 15ª da Lei orgánica do poder xudicial.
Así, por esta miña sentenza, pronúncioa, mándoa e asínoa, Elena Calleja Curros, xuíza do Xulgado de Primeira Instancia e Instrución número 2 da Estrada.
Publicación. A anterior sentenza leuna e publicouna a xuíza que a subscribe, en audiencia pública no local do xulgado, e no mesmo día da súa data. Dou fe».
E ao estar o dito demandado, Javier Otero Costa, en rebeldía procesual e en paradoiro descoñecido, expídese, asínase e sélase o presente edicto, co fin de que lle sirva de notificación en forma.
A Estrada, 2 de xuño de 2016
O letrado da Administración de xustiza
