Eu, Paloma Recalde Álvarez, letrada Administración de xustiza do Xulgado Social número 2 da Coruña, fago saber que no procedemento de despedimento/cesamentos en xeral 343/2019 deste xulgado do social, seguido por instancia de Clemente Campos García, sobre despedimento, ditouse sentenza cuxa resolución é a seguinte:

«Decido que, estimando a demanda interposta por don Clemente Campos García contra as empresas Isowat Made, S.L., Talleres Reunidos, S.A., Intertaresa, S.L. e Entrema, S.L:

1. Declárase improcedente o despedimento de que foi obxecto o 26.2.2019 e condénanse solidariamente a que, no prazo de cinco (5) días contados desde a notificación desta resolución, opten entre readmitir o demandante no seu posto de traballo ou indemnizalo pola extinción da relación laboral coa cantidade -s.e. ou o.- de vinte e nove mil cincocentos vinte e catro euros e vinte e oito céntimos (29.524,28 €), e con aboamento, só en caso de que se opte pola readmisión, dos salarios de tramitación deixados de percibir desde a data do despedimento ata a notificación da presente resolución, en contía de cincuenta e oito euros e sesenta e un céntimos (58,61 €) diarios. Advírtese que a antedita opción deberá efectuarse no prazo dos cinco (5) días seguintes á notificación da presente resolución e que, para o caso de non se facer, se entenderá que optou pola readmisión. E

2. Condénoas a que lle aboen a cantidade de tres mil douscentos oitenta e dous euros e dezaseis céntimos (3.282,16 €), incrementada co xuro por demora do 10 %.

Así mesmo, condénanse as administracións concursais das empresas Isowat Made, S.L., Talleres Reunidos, S.A., Intertaresa, S.L. e Entrema, S.L. e o Fondo de Garantía Salarial conforme o disposto na Lei concursal e o artigo 33 do Estatuto dos traballadores.

Notifíquese esta resolución ás partes, facéndolles saber que esta non é firme, e fronte a ela cabe formular recurso de suplicación ante o Tribunal Superior de Xustiza, que deberá ser anunciado por comparecencia ou mediante escrito presentado na oficina xudicial dentro dos cinco (5) días seguintes á notificación desta sentenza, ou por simple manifestación no momento en que se lles practique a notificación.

Advírtase igualmente ao recorrente que non sexa traballador ou beneficiario do réxime público da Seguridade Social, ou habente causa seu, ou non teña recoñecido o beneficio de xustiza gratuíta, que deberá depositar a cantidade de 300 euros na conta aberta no Banco Santander a nome desta oficina xudicial.

En todo caso, o recorrente deberá designar letrado ou graduado social para a tramitación do recurso, no momento de anuncialo.

Así, por esta sentenza, pronúncioo, mándoo e asínoo».

E para que sirva de notificación en legal forma a Entrema, S.L. e Invertaresa, en ignorado paradoiro, expido a presente para a súa publicación no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 24 de xullo de 2020

A letrada da Administración de xustiza