Advertidos erros na referida orde, que se publicou no Diario Oficial de Galicia núm. 182, do 25 de setembro de 2019, cómpre efectuar as seguintes correccións:

Na páxina 42460, no segundo parágrafo do punto 5.b) do artigo 27, onde di:

«A presentación desta xustificación é obrigatoria. Se a entidade beneficiaria presentase unha xustificación de gastos insuficiente para recibir este segundo pagamento á conta completo, o crédito non aboado sería anulado e, se é o caso, tería que reintegrar total ou parcialmente a contía recibida no primeiro pagamento anticipado».

Debe dicir:

«A presentación desta xustificación é obrigatoria. Se a entidade beneficiaria presentase unha xustificación de gastos insuficiente para recibir este primeiro pagamento á conta completo, o crédito non aboado sería anulado e, se é o caso, tería que reintegrar total ou parcialmente a contía recibida no primeiro pagamento anticipado».

Na páxina 42461, no segundo parágrafo do punto 5.d) do artigo 27, onde di:

«A presentación desta xustificación final é obrigatoria. Se a entidade beneficiaria presentase unha xustificación de gastos insuficiente para recibir este segundo pagamento á conta completo, o crédito non aboado sería anulado e, se é o caso, tería que reintegrar total ou parcialmente a contía recibida no terceiro pagamento anticipado».

Debe dicir:

«A presentación desta xustificación final é obrigatoria. Se a entidade beneficiaria presentase unha xustificación de gastos insuficiente para recibir este pagamento final completo, o crédito non aboado sería anulado e, se é o caso, tería que reintegrar total ou parcialmente a contía recibida no terceiro pagamento anticipado».

Na páxina 42470, na táboa da alínea 3 do anexo IV, relativa aos gastos de persoal, no título da quinta columna, onde di:

«Cota da Seguridade Social á conta da entidade».

Debe dicir:

«Cotas da Seguridade Social».