Advertidos erros na referida orde, que se publicou no Diario Oficial de Galicia núm. 184, do 27 de setembro de 2019, cómpre efectuar as seguintes correccións:
Na páxina 42872, no segundo parágrafo do punto 5.b) do artigo 28, onde di: «Se a entidade beneficiaria presentase unha xustificación de gastos insuficiente para recibir este segundo pagamento á conta completo, o crédito non aboado sería anulado e, se é o caso, tería que reintegrar total ou parcialmente a contía recibida no primeiro pagamento anticipado»; debe dicir: «Se a entidade beneficiaria presentase unha xustificación de gastos insuficiente para recibir este primeiro pagamento á conta completo, o crédito non aboado sería anulado e, se é o caso, tería que reintegrar total ou parcialmente a contía recibida no primeiro pagamento anticipado».
Na páxina 42873, no segundo parágrafo do punto 5.d) do artigo 28, onde di: «Se a entidade beneficiaria presentase unha xustificación de gastos insuficiente para recibir este segundo pagamento á conta completo, o crédito non aboado sería anulado e, se é o caso, tería que reintegrar total ou parcialmente a contía recibida no terceiro pagamento anticipado»; debe dicir: «Se a entidade beneficiaria presentase unha xustificación de gastos insuficiente para recibir este pagamento final completo, o crédito non aboado sería anulado e, se é o caso, tería que reintegrar total ou parcialmente a contía recibida no terceiro pagamento anticipado».
Na páxina 42883, na táboa da alínea 3 do anexo V, relativa aos gastos de persoal, no título da quinta columna, onde di: «Cota da Seguridade Social á conta da entidade»; debe dicir: «Cotas da Seguridade Social».