Visto o expediente para outorgamento da autorización administrativa previa e da autorización administrativa de construción das instalacións eléctricas que a seguir se describen, tal e como se recollen no proxecto asinado en Ourense polo enxeñeiro técnico industrial Pablo López Alonso, colexiado nº 3802 do Coeticor, o día 5 de decembro de 2019, con visado nº 289/20-CO do 4 de febreiro de 2020, do sinalado colexio profesional.
Solicitante: UFD Distribución Electricidad, S.A. CIF: A-63222533.
Enderezo: A Batundeira, nº 2, Velle, 32960 Ourense.
Denominación: recuamento LMT en Albeiros-Amoeiro (CAS805).
Situación: Albeiros, concello de Amoeiro.
Orzamento: 13.989,09 €.
Características técnicas:
– Dotación de cable de fibra óptica e substitución de 3 apoios na LMT a 20 kV CAS805-Derivación ao CT Albeiros (apoios números 7, 8 e 10), con novo CONDUTOR LA-56 entre os ditos apoios (sen modificación de traza) e unha lonxitude de 382 m.
– RBT en condutor tipo RZ 3×50 AL (23 m) e 3×95 AL (61m), con orixe no CT existente en Albeiros (32AM39) do expediente 3648-AT.
Cumpridos os trámites ordenados na Lei 24/2013, do 26 de decembro, do sector eléctrico, e os regulamentarios previstos no capítulo II, título VII, do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 5/2017, do 19 de outubro, de fomento da implantación de iniciativas empresariais, esta xefatura territorial resolve:
Conceder a autorización administrativa previa e a autorización administrativa de construción ás ditas instalacións, cuxas características se axustarán en todas as súas partes ao proxecto arriba sinalado e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten de aplicación e, en especial, as relativas á ordenación do territorio e ao ambiente.
O prazo de posta en marcha das instalacións que se autorizan será de seis meses, contados a partir da data da última autorización administrativa necesaria para a súa execución.
Contra esta resolución poderase interpoñer recurso de alzada, ante o conselleiro de Economía, Emprego e Industria, no prazo dun mes contado a partir do día seguinte ao da notificación ou publicación desta resolución; tamén se poderá interpoñer calquera outro recurso que se considere pertinente.
Ourense, 6 de maio de 2020
Santiago Álvarez González
Xefe territorial de Ourense