Patricia Raposo Fernández, letrada da Administración de xustiza do Xulgado de Primeira Instancia número 2 de Pontevedra, polo presente, anuncio:
No presente procedemento de xuízo ordinario nº 674/2018, seguido por instancia de Fernando Casas Dulanto fronte a V.O. Euromotor, S.L., pronunciouse Sentenza do 29 de xaneiro de 2020 cuxa resolución é do teor literal seguinte:
«Que acepto parcialmente a demanda interposta por Fernando Casas Dulanto, representado pola procuradora Sra. Tomás Abal, contra V.O. Euromotor, S.L., e acordo:
Primeiro. Declarar resolto o contrato de compravenda realizado entre V.O. Euromotor, S.L. e Fernando Casas Dulanto, con data do 18 de agosto de 2014, documentado no pedido achegado como documento nº 2 da demanda, con devolución recíproca e simultánea das respectivas contraprestacións recibidas, que neste caso se limita á devolución a Fernando Casas Dulanto por parte de V.O. Euromotor, S.L. da cantidade de 7.253,95 euros, nos termos expresados no parágrafo seguinte.
Segundo. Condenar a V.O. Euromotor, S.L. a abonar a Fernando Casas Dulanto a cantidade de 7.253,95 euros en concepto de devolución do prezo, máis os xuros legais desa cantidade desde o 1 de marzo de 2018 ata a data desta sentenza, e desde esta, os intereses da mora procesual do artigo 576 da LAC.
Terceiro. Condenar a V.O. Euromotor, S.L. a abonar a Fernando Casas Dulanto a cantidade de 750 euros en concepto de dano moral, máis os xuros da mora procesual do artigo 576 da LAC desde a data desta sentenza.
Cuarto. Cada parte aboará as custas causadas á súa instancia e as comúns pola metade.
Notifíqueselles a presente resolución ás partes, prevíndoas de que contra ela cabe interpor recurso de apelación no prazo de vinte días ante este xulgado.
Lévese o orixinal desta resolución ao libro de sentenzas deste xulgado e déixese no procedemento testemuño suficiente.
Así, por esta miña sentenza, pronúncioa, mándoa e asínoa».
Estando a dita demandada, V.O. Euromotor, S.L., en paradoiro descoñecido, expídese o presente edicto co fin de que lle sirva de notificación na forma.
Pontevedra, 3 de febreiro de 2020
A letrada da Administración de xustiza