Eu, José Lloves Forneiro, letrado da Administración de xustiza do Xulgado de Primeira Instancia número 5 de Ourense, polo presente anuncio:
No presente procedemento ordinario 560/2018, seguido por instancia de Santander Consumer EFC, S.A., representado polo procurador Sr. Enríquez Naharro, fronte a Saber Mrabet, ditouse sentenza, cuxo teor literal é o seguinte:
«Sentenza 31/19
En Ourense o vinte e tres de xaneiro de dous mil dezanove.
Vistos por min, Ana María Gómez Bande, xuíza titular do Xulgado de Primeira Instancia número 5 de Ourense, os presentes autos de xuízo ordinario seguidos ante este xulgado baixo o número 560 do ano 2018, por instancia do procurador Sr. Enríquez Naharro, en nome de Santander Consumer Establecimiento Financiero de Crédito, S.A., e asistido do letrado Sr. Sanjiao García, contra Saber Mrabet, en situación de rebeldía procesual, constando nas actuacións as súas circunstancias persoais.
Resolvo estimar a demanda interposta polo procurador Sr. Enríquez Naharro, en nome de Santander Consumer Establecimiento Financiero de Crédito, S.A., e asistido do letrado Sr. Sanjiao García, contra Saber Mrabet, en situación de rebeldía procesual, e condeno o demandado a aboar á parte demandante a cantidade debida de 14.199,20 euros de principal máis os xuros moratorios pactados sobre o importe de cada recibo impagado desde o día seguinte ao vencemento de cada un dos recibos impagados ata a data da sentenza máis os xuros do artigo 576 da LAC e as custas.
Notifíquese esta sentenza ás partes, facéndolles saber que contra ela cabe recurso de apelación».
E encontrándose o devandito demandado, Saber Mrabet, en paradoiro descoñecido, expídese o presente co fin de que sirva de notificación en forma a este.
Ourense, 4 de novembro de 2019
O letrado da Administración de xustiza