Mediante o Acordo do Pleno do 28 de novembro de 2019, aprobouse definitivamente o estudo de detalle do casco antigo do núcleo de Cervo (Lugo), concello de Cervo, que ten por obxecto completar ou reaxustar as aliñacións e rasantes na rúa da Aldea ao carecer o planeamento vixente do grao de definición requirido para acometer a concesión directa de licenzas. O acordo literal é o seguinte:

«1º. Aprobar definitivamente o estudo de detalle do casco antigo do núcleo de Cervo (Lugo), con rexistro de entrada neste concello número 2019-E-RC-2529, o 10 de xuño de 2019, modificado polo presentado en outubro de 2019, despois de recoller a alegación presentada, e sendo o seu redactor o arquitecto técnico Alfonso Botana Castelo, colexiado nº 2405 do COAG.

2º. Notificarlles este acordo aos interesados e publicalo, no prazo dun mes desde a súa adopción, no Diario Oficial de Galicia, e o texto dos documentos que integran o estudo de detalle, así como o índice de planos no Boletín Oficial da provincia.

3º. Unha vez publicado o acordo no Diario Oficial de Galicia, remitir á Consellería de Medio Ambiente, Territorio e Vivenda a documentación exixida polo artigo 88.3 da Lei do solo de Galicia, para os efectos de inscribir o estudo de detalle no Rexistro de Planeamento Urbanístico de Galicia. Logo de que conste a inscrición no rexistro, publicar a normativa no Boletín Oficial da provincia».

O documento deste estudo de detalle estará á disposición dos interesados na sede electrónica deste concello: http://cervo.sedelectronica.es

Contra este acordo interporase recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contado desde o día seguinte ao da publicación deste anuncio, de conformidade co artigo 46 da Lei 29/1998, do 13 de xullo, da xurisdición contencioso-administrativa.

Cervo, 2 de decembro de 2019

Alfonso Villares Bermúdez
Alcalde