Para os efectos previstos no artigo 45 da Lei 39/2015, do 1 de outubro, do procedemento administrativo común das administracións públicas, faise público que o Xurado Provincial de Clasificación de Montes Veciñais en Man Común de Lugo, na sesión do día 25.11.2019, baixo a presidencia de María Olga Iglesias Fontal e coa asistencia dos vogais Josefina Pereira de la Riera e Miguel Ángel Cela González, e da secretaria Lucía Belver Quiroga, tomou o seguinte acordo:
«Monte de Lamas e Lagúa (expediente 16/2017), pertencente aos veciños dos lugares de Lamas e da Lagúa, no termo municipal de Triacastela. Na reunión do Xurado do 25.6.2019 acordouse, aceptando a proposta do instrutor, non clasificalo como monte veciñal en man común (MVMC) ao considerar que non quedaba suficientemente acreditada no expediente tal condición, por non resultar contradita polos solicitantes a documental e manifestacións presentadas por Eladio Celeiro López e outros durante a tramitación do procedemento.
O 12.8.2019 ten entrada un escrito presentado por Pablo López Aira (un dos solicitantes da clasificación) mediante o que interpón un recurso de reposición contra o devandito acordo, en que manifesta, en resumo:
– Que as parcelas de que se solicitou a clasificación teñen a consideración de montes comunais que pertencen á parroquia desde tempos inmemoriais e son un terreo diferente ás parcelas individuais, de propiedade privada, ás cales poden facer referencia os alegantes durante a tramitación.
– Que o monte abertal é algo residual nesa comunidade e sorprende que os alegantes fagan referencia a este feito cando non manifestaron nada nas reunións previas dos veciños, o que evidencia a mala fe das súas actuacións.
– Que non presentan ningunha documentación en relación coa realidade das proporcións das latas mais que uns documentos privados do século XX, posteriores ao uso inmemorial das parcelas.
– Que o monte de Lamas conta coas notas que o caracterizan, que son: indivisibilidade, inalienabilidade e imprescritibilidade. Estas notas son as que definen e caracterizan o monte veciñal.
– Os documentos a que fan referencia os alegantes refírense a parcelas, nalgún caso estremeiras coas que se pretende clasificar, pero non presentan ningunha documentación que poña en dúbida o carácter de monte veciñal das parcelas.
Dado traslado do recurso ao Servizo de Montes, emítese informe do xefe da Área Técnica de MVMC que conclúe, de xeito resumido, que a documental presentada polos alegantes se fundamenta nunha escritura de redención foral da cal o único que se deduce é que os ferrados a que fai referencia se atopan na parroquia de Lamas, pero non hai referencia ningunha a onde estarían e a mesma falta de coincidencia cos predios propostos para clasificar, resulta do acto conciliatorio presentado.
Tampouco resulta substancial a existencia dunha redención foral para que o monte teña a consideración de veciñal en man común tal e como a propia lei recolle ao dispor que son MVMC os que, con independencia da súa orixe, das súas posibilidades produtivas, do seu aproveitamento actual e da súa vocación agraria, pertenzan a agrupacións veciñais na súa cualidade de grupos sociais e non como entidades administrativas e se veñan aproveitando consuetudinariamente en réxime de comunidade sen asignación de cotas polos membros daquelas na súa condición de veciños.
Por outra banda, os recorrentes levan usando o monte de xeito mancomunado, con referencias gráficas precisas e as parcelas están catastradas a nome dos veciños de Lamas e da Lagúa, polo que de acordo co artigo 3.3 do Real decreto lexislativo 1/2004, do 5 de marzo, polo que se aproba o texto refundido da Lei do catastro inmobiliario, se presumen certos os seus datos na falta doutra documentación.
Remata considerando xustificado o recurso e probada documentalmente a propiedade veciñal.
Dado traslado do recurso aos alegantes, o 13.11.2019, tivo entrada un escrito asinado por Eladio Celeiro López e outras tres persoas máis, no cal, á vista do recurso presentado, manifestan en resumo:
– Que na única reunión a que foron convocados fixeron as mesmas alegacións que as manifestadas no seu escrito.
– Reiteran que o monte abertal de Lamas foi adquirido coa redención de foros por doce casas que o aproveitaron como propio igual que como aforados, estaba partido en latas, e que as parcelas obxecto de clasificación quedaron pedregosas e de difícil cultivo, para uso común dos copropietarios. As parcelas partidas foron obxecto de vendas e pagamento de lexítimas en herdanzas, co que se adquiriu a parcela e o dereito ao aproveitamento.
– Non presentan ningunha proba e non alegaron en tempo e forma durante o expediente.
– Os montes abertais non son tan residuais na zona como pretende a parte contraria. Estes presentan as características propias da comunidade romana e son susceptibles de prescrición adquisitiva. O seu réxime comunitario é de copropiedade romana.
– En moitos casos a propiedade está documentada, aínda que co paso do tempo vaian perdendo os títulos primitivos, e están os propietarios en condicións de vender, ceder ou transmitir a súa parte.
– Solicitan que se manteña na súa integridade a resolución do Xurado do 25.6.2019.
Examinado o devandito recurso, o Xurado, por maioría e coa abstención da presidenta, pola súa condición de alcaldesa do Concello de Triacastela, acorda estimar o recurso de reposición interposto, de conformidade cos fundamentos que se recollen na correspondente resolución e proceder á clasificación do monte coas seguintes características:
Monte: Lamas e Lagúa.
Pertenza: veciños dos lugares de Lamas e da Lagúa.
Parroquia: Lamas.
Concello: Triacastela.
Superficie: 14,53 hectáreas.
As parcelas obxecto de clasificación e as súas estremas están recollidas na seguinte táboa e pódense localizar no plano que figura no anexo, ao final deste anuncio:
Parcela obxecto de clasificación |
Lindeiro |
Parcela estremeira |
27062A03900355 |
Norte |
27037A10000015 |
Leste |
27037A10100001, 27037A10100026 |
|
Sur |
27062A03900225, 27062A03900224, 27062A03900222, 27062A03900221, 27062A03900218, 27062A03900217, 27062A03900216, 27062A03900214, 27062A03900213, 27062A03900185, 27062A03900227 |
|
Oeste |
27062A03909017, 27062A03900252, 27062A03900274 |
|
27062A03900354 |
Norte |
27062A03900117, 27062A03900118, 27062A03900120, 27062A03900122, 27062A03900243, 27062A03900244, 27062A03900242 |
Leste |
27062A03900301, 27062A03900302, 27062A03900303, 27062A03900305 |
|
Sur |
27062A03900162, 27062A03900138, 27062A03900141, 27062A03900137, 27062A03900136, 27062A03909019, 27062A03900130, 27062A03900126, 27062A03900125 |
|
Oeste |
27062A03900109, 27062A03900112 |
|
27062A03900356 |
Norte |
27062A03900170, 27062A03900172, 27062A03900173, 27062A03900174, 27062A03900175, 27062A03900176, 27062A03900177, 27062A03900178, 27062A03900179, 27062A03900180, 27062A03900181, 27062A03900182, 27062A03900169, 27062A03900313, 27062A03900315, 27062A03900198, 27062A03900195, 27062A03900194, 27062A03900193, 27062A03900190, 27062A03900187, 27037A10700013 |
Leste |
27037A10700013, 27062A03900356 |
|
Sur |
27062A03900356, 27062A03900362 |
|
Oeste |
27062A03900039, 27062A03900166 |
|
27062A03900362 |
Norte |
27062A03900356 |
Leste |
27062A03900356 |
|
Sur |
27062A03900016, 27062A03900039 |
|
Oeste |
27062A03900039 |
Contra esta resolución, no prazo de dous meses contados desde o día seguinte á súa notificación ou publicación no Diario Oficial de Galicia, poderá interpoñerse recurso contencioso-administrativo perante o Xulgado do Contencioso-Administrativo de Lugo, de conformidade co artigo 46 da Lei 29/1998, do 13 de xullo, da xurisdición contencioso-administrativa».
Lugo, 4 de decembro de 2019
María Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo
ANEXO