María Iria Román Vidarte, letrada da Administración de xustiza do Xulgado do Social número 3 de Santiago de Compostela, fai saber que no procedemento ordinario número 299/2018 deste xulgado do social, seguido por instancia de María Montserrat Cajide Roca contra Mafiar, S.C., María José Martínez Alvariño, Inmaculada Alvariño Pena, Aroa Chaudarcas Martínez, sobre reclamación de cantidade, acordouse citar a Mafiar, S.C, María José Martínez Alvariño, Inmaculada Alvariño Pena, Aroa Chaudarcas Martínez, en paradoiro descoñecido, co fin de que comparezan na sala de vistas deste Xulgado do Social número 3, situado na rúa Berlín, s/n, polígono das Fontiñas, 15707 Santiago de Compostela, o día 16.12.2019 ás 11.25 e 11.30 horas co fin de celebrar os actos de conciliación e, se é o caso, xuízo, podendo comparecer persoalmente ou mediante persoa legalmente apoderada, e deberán acudir con todos os medios de proba de que intenten valerse, coa advertencia de que é única convocatoria e que os devanditos actos non se suspenderán por falta inxustificada de asistencia.

Fáiselles saber que teñen á súa disposición, na oficina xudicial, a cédula de citación, a copia da demanda, decreto de admisión e tamén as demais resolucións e documentos que figuran no procedemento.

Advírtese aos destinatarios que as seguintes comunicacións se farán fixando unha copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

En caso de que pretenda comparecer ao acto do xuízo asistido de avogado ou representado tecnicamente por graduado social colexiado, ou representado por procurador, poñerá esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo, co obxecto de que, trasladada tal intención ao demandante, poida estar este representado tecnicamente por graduado social colexiado, ou representado por procurador, designar avogado noutro prazo igual ou solicitar a súa designación a través da quenda de oficio. A falta de cumprimento destes requisitos supón a renuncia da parte ao dereito de valerse no acto de xuízo de avogado, procurador ou graduado social colexiado.

E para que sirva de notificación e citación a Mafiar, S.C., María José Martínez Alvariño, Inmaculada Alvariño Pena, Aroa Chaudarcas Martínez así como para a súa publicación no Diario Oficial de Galicia e colocación no taboleiro de anuncios, expido a presente cédula.

Santiago de Compostela, 8 de novembro de 2019

A letrada da Administración de xustiza