No procedemento de referencia ditouse a resolución do teor literal seguinte:
«Sentenza número 137/2019
Xuízo verbal número 695/2018
Maxistrada xuíza: María Jesús Sánchez Carbajales
Demandante: Jesús José Santasmarinas Devesa
Avogado: Sr. Pérez Rubín
Procurador: Sr. Fernández Pérez
Demandados: herdanzas xacentes e/ou herdeiros de Juan Santasmarinas Suárez e Manuel Santasmarinas Suárez
Obxecto: declarativa de dominio.
En Santiago de Compostela o 15 de outubro de 2019
Resolución
Estimo integramente a demanda presentada por Jesús José Santasmarinas Devesa contra as herdanzas xacentes de Juan e Manuel Santasmarinas Suárez, e, en consecuencia, declaro que o demandante é propietario dos seguintes terreos:
1. Rústica: parcela número catrocentos cincuenta e cinco da zona de concentración parcelaria de San Breixo de Sergude, concello de Boqueixón. Labradío no sitio da Corga, que mide cincuenta e tres áreas e setenta e oito centiáreas e linda: norte, Jesusa Francisco Barreiro e outros e Jesús Casal; sur, José Dopazo Rey; leste, estrada de Santiago a Ourense, e oeste, Manuel Regueiro Francisco e Manuel Balado Santasmarinas e outros.
Inscrición: Rexistro da Propiedade de Santiago número 1, tomo 661, libro 51, folio 218, predio 7478.
Titular: Juan Santasmarinas Suárez.
Referencia catastral: 15012C505004550000DF.
Cargas: libre de cargas e gravames, e ao día de pagamento de todo tipo de gastos e impostos.
2. Rústica: parcela número trescentos cincuenta e seis da zona de concentración parcelaria de San Breixo de Sergude, concello de Boqueixón. Prado e labradío no sitio de Penasqueira, que mide trinta áreas e trinta e unha centiáreas, e linda: norte, Manuel Pérez Canicoba e outros; sur, Carmen Rey Dopazo e outros; leste, camiño construído polo Servizo Nacional de Concentración Parcelaria e Ordenación Rural, e oeste, Agustín Brocos Picón e Carmen Santasmarinas Suárez e outros.
Inscrición: Rexistro da Propiedade de Santiago número 1, tomo 661, libro 51, folio 110, predio 7370.
Titular: Manuel Santasmarinas Suárez
Referencia catastral: 15012C505003560000DL.
Cargas: libre de cargas e gravames, e ao día de pagamento de todo tipo de gastos e impostos.
Todo iso con imposición de custas á parte demandada.
Notifíquese esta resolución ás partes coa indicación de que é firme e que contra ela non poderá interpoñerse recurso de apelación ante a Sala do Civil da Audiencia Provincial, ao tratarse de xuízo verbal por razón da contía e non superar esta os 3.000 euros. Artigo 455 da LAC.
Expídase testemuño da presente resolución para a súa unión aos autos principais e lévese o orixinal ao libro de sentenzas deste xulgado.
Así por esta miña sentenza, pronúncioo, mándoo e asínoo, María Jesús Sánchez Carbajales, maxistrada xuíza do Xulgado de Primeira Instancia número 2 de Santiago de Compostela».
E como consecuencia do ignorado paradoiro da herdanza xacente de Juan Santasmarinas Suárez e de Manuel Santasmarinas Suárez, expídese a presente para que sirva de cédula de notificación.
Santiago de Compostela, 16 de outubro de 2019
A letrada da Administración de xustiza