V91. Remoción do titor 134/2019-E
Procedemento de orixe: tutela 134/2019
Sobre tutela
Ministerio Fiscal
Demandadas: María Begoña Pequeño Vázquez, María Salomé Pequeño Vázquez, Guadalupe Pequeño Vázquez
Procuradora: María José Arias Regueira
Avogado: Francisco Javier Fernández Silva
Eu, María José Núñez Abeledo, letrada da Administración de xustiza do Xulgado de Primeira Instancia número 5 de Lugo, por este edicto
Anuncio:
Neste procedemento seguido por instancia do Ministerio Fiscal contra Begoña Pequeño Vázquez, ditouse a sentenza cuxo encabezamento e resolución son os seguintes:
Sentenza 245/2019
Remoción do titor 134/2019.
Xuíz que a dita: José Luis Deaño Rodríguez.
Lugar: Lugo.
Data: 5 de setembro de 2019.
Demandante: Ministerio Fiscal.
Antecedentes de feito.
Iniciouse, por instancia do Ministerio Fiscal, o procedemento para a remoción de titor no cal se seguiron todos os trámites legalmente exixibles e que culminou cunha vista que tivo lugar no día de hoxe.
Resolvo que Begoña Pequeño Vázquez sexa removida do cargo de titora da incapaz Julia Vázquez Díaz que ata o de agora viña desempeñando e designo a Guadalupe Pequeño Vázquez como a súa defensora xudicial, coas funcións que viña desempeñando a titora, que se manterá nesta función mentres non se nomea un novo titor.
Requíraselle a Begoña Pequeño Vázquez que no prazo de tres meses presente neste xulgado a conta xeral xustificada da administración do patrimonio de Julia Vázquez Díaz que desempeñou como titora.
En canto sexa firme esta resolución, remítase testemuño ao Rexistro Civil para efectuar a correspondente anotación marxinal (artigos 283 e 287 do Regulamento do Rexistro Civil), e incóese procedemento para o nomeamento de novo titor.
Notifíqueselles ás partes e fágaselles saber que esta resolución non é firme e que contra ela cabe interpor recurso de apelación, ante este xulgado, no prazo de vinte días desde o día seguinte ao da súa notificación.
Así o pronuncia, manda e asina José Luis Deaño Rodríguez, maxistrado xuíz do Xulgado de Primeira Instancia número 5 de Lugo.
Ao encontrarse a dita demandada, María Begoña Pequeño Vázquez, en paradoiro descoñecido, expídese este edicto co fin de que lle sirva de notificación en forma.
Lugo, 21 de outubro de 2019
A letrada da Administración de xustiza