Divorcio contencioso 747/2018.
Sobre divorcio contencioso.
Demandante: María Fernanda Tilve Tilve.
Procuradora: Alejandra Freire Riande.
Avogada: María Dolores Carpintero Vázquez.
Demandado: Luis Antonio Vilardell Weiss.
Gema Antolín Pérez, letrada da Administración de xustiza do Xulgado de Primeira Instancia número 5 de Pontevedra, polo presente anuncio:
No presente procedemento seguido por instancia de María Fernanda Tilve Tilve fronte a Luis Antonio Vilardell Weiss ditouse sentenza, cuxo encabezamento e resolución son do teor literal seguinte:
Sentenza.
En Pontevedra o vinte e cinco de xuño de dous mil dezanove.
Vistos por min, Mª del Mar Felices Esteban, maxistrada xuíza do Xulgado de Primeira Instancia número 5 de Pontevedra, os precedentes autos de xuízo de divorcio, seguidos ante este xulgado co número 747/2018, en que é parte demandante, María Fernanda Tilve Tilve, representada pola procuradora Alejandra Freire Riande e asistida da letrada Mª Dolores Carpintero Vázquez, e como parte demandada Luis Antonio Vilardell Weiss, declarado en rebeldía procesual.
Resolución:
Estimo a demanda presentada pola procuradora Alejandra Freire Riande, en nome e representación de María Fernanda Tilve Tilve, contra Luis Antonio Vilardell Weiss, en rebeldía procesual, e en consecuencia declaro a disolución por divorcio do matrimonio contraído entre os litigantes o día 6 de setembro de 1991, inscrito no tomo 109, páxina 341 da sección 2ª do Rexistro Civil de Pontevedra, con todos os efectos legais que a devandita declaración comporta. Enténdense revogados definitivamente os poderes e consentimentos que os cónxuxes se outorgasen. Os cónxuxes poderán vivir separados e cesa a presunción de convivencia conxugal. Todo iso sen facer expresa imposición das custas.
Firme esta resolución, comuníquese de oficio ao rexistro civil onde consta inscrito o matrimonio dos cónxuxes litigantes, Rexistro Civil de Pontevedra.
Notifíquese esta resolución en forma legal ás partes, ás cales se advirte que contra esta cabe recurso de apelación para ante a Audiencia Provincial de Pontevedra, que deberá prepararse dentro dos cinco días seguintes á súa notificación ante este xulgado e que se tramitará polas regras establecidas na Lei de axuizamento civil.
Así, por esta miña sentenza, definitivamente xulgando en primeira instancia, pronúncioo, mándoo e asínoo.
E encontrándose o devandito demandado, Luis Antonio Vilardell Weiss, en paradoiro descoñecido, expídese o presente co fin de que sirva de notificación en forma a este.
Pontevedra, 27 de setembro de 2019
A letrada da Administración de xustiza
